Mayan e sospechoso di asesinato di Poentje Castro ta dilanti Hues

ORANJESTAD - Bao guia di Ministerio Publico, Polis ta investigando morto di Luis Angel Figueroa Flores di 20 aña di edad, kende riba 17 oktober ultimo a cay desde piso mas halto di Paseo Herencia. E investigacion aki no ta cla ainda y no a detene ningun sospechoso.  Generalmente Ministerio Publico no ta bisa nada den casonan asina unda no tin un sospechoso deteni ainda. Pero den e caso aki ta otro, mirando cu e team investigativo a bin ripara cu riba social media tin hopi informacion y noticianan incorecto circulando tocante e caso. E informacionnan y noticianan aki, cu ta wordo presenta como berdadero, en realidad ta resulta di no ta berdad.  Por ehempel, tin un persona cu a publica un video tocante e supuesto hechonan rond di morto di Figueroa, y cu despues a wordo yama pa Polis y scucha como testigo, unda el a bin na admiti cu ta inventa el a inventa tur esaki.

WILLEMSTAD – E siman aki gobernador di Corsou a huramenta e presidente nobo di Hof Maurits de Kort. Mr De Kort ta di Aruba pero pa hopi aña ta estableci na Corsou unda cu e la asumi e funcion anteriormente di Presidente interino. Despues cu e presidente anterior Saleh a anuncia cu e no ta sigui, a cumninsa e proceso pa busca un reemplasante y a bay pa sr De Kort. Hulanda a bay di acuerdo cu e nombracion aki. For di 1 di januari di e aña aki sr de Kort ta asumi e funcion importante aki. E ta bira asina hefe di tur huez den e region aki di Reino Hulandes.  

ORANJESTAD – Tanto yiu di prome minister Wever Croes, esta Kevin W como yiu di e politico Michaeal Williams esta Chris W a keda den libertad diasabra atardi. “E motibo ta cu ta cla cu scucha nan y no ta necesario pa nan keda mas largo den detencion”. Asina vocero di ministerio Publico Ann Angela a bisa noticiacla diasabra. “Nan ta sigui como sospechoso y unavez e investigacion ta full cla, fiscal lo tuma un decision final” Angela a finalisa bisando. 

ORANJESTAD – Tanto e detencion di yiu di prome minister Wever, esta Kevin W. como yiu di e politico Micheal Williams, Chris W. a keda prolonga diabierna atardi. Ambos den curso di dia a presenta na warda di polis unda cu ambos a keda interoga y despues a dicidi pa prolonga e detencion di ambos cu 2 dia. Esey kier men cu nan ta keda deteni pa 2 dia, pendiente e siguiente pasonan. Esey sinembargo no ta un garantia cu nan lo keda deteni pa tur dos dia, sino te ora cu huez comisario dicidi otro. 

ORANJESTAD – E caso ta uno cu a tuma lugar mitar di aña pasa, pero ta awor a bin na luz di dia di puro coincidencia. Un periodista na Corsou a dal riba e veredicto aki, y a trece den publicidad. Ta trata di un otro caso cu ta trata ex minister Benny Sevinger, awe sospechoso principal den un caso penal di tereno. Actualmente e ta parlamentario pa partido AVP. Mientras cu e sentencia den e caso aki tabata casi final di aña pasa, e hecho cu e persona actualmente ta un sospechoso den un caso penal pa actonan similar, ta dune relevancia pa trece dilanti awor. 

ORANJESTAD – Tratamento integral di e caso di asesinato di e conocido personalidad Poentje Castro, ta tuma lugar fin di maart otro aña, specificamente dia 25 di maart 2022 pa 8’or y mei di mainta. Asina huez a mustra diabierna atardi (awe) ora cu a trata esaki ‘pro forma’. Durante e caso aki awe, tabata presente e sospechoso A.Rasmijn (35), y tambe e famianan di Castro. Aki huez a bisa cu ainda e procesverbaal oficial di recherche no ta cla.