- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Aruba a gana premio cotidia turistico na bolsa di Berlin awe
BERLIN – Aruba a gana e premio “Destination Leadership” di National Geographic” durante e bolsa turistico ITB na Berlin awe. Minister Benny Sevinger a tuma e premio aki na nomber di Aruba durante e ceremonia. Riba dje e ta un bon noticia mirando cu Aruba tabata nomina entre 15 finalista cu a keda anuncia for di aña pasa october. Y den e categoria mes cu Aruba a gana, e tabatin 2 otro finalista, esta Delaware, North Yosemite, na Merca, y Val d'Aran di Spaña. E premio mes ta bay pa "Aruba Tourism Board"NoticiaCla.com a haya e confirmacion for di merdia, pero a wordo informa cu ATA lo emiti un boletin mas laat den dia awe.
PREMIO
E premio ta reconoce e liderazgo di e destinacion, incluyendo ciudad, provicincia y pais cu ta demonstra e miho practica di medio ambiente, proteccion di patrimonio y cultura nacional, beneficio pa e comunidad local y ta educa biaheronan riba e principio di sostenibilidad. Aruba, pa por a gana e premio aki, segun National Geographic, tabata un ehempel di con ta posibel pa combati cambio climatologico y a inverti fuertemente den energia alternativa. Ta haci mencion di e proyectonan solar y di biento cu Aruba tin ta operando. Y finalmente e intencion di Aruba ta 100% liber di combustibel fosil pa 2020.
FELICITACION
Mes momento minister di turismo Otmar Oduber a manda palabra di felicitacion pa e industria turistico completo di Aruba, incluyendo ATA, partnernan, y su coleganan minister. “Aruba y turismo y vision duradero un biaha mas riba pedestal” e mandatario a bisa. Riba e foto cortesia di Tirso Tromp, por mira momento cu e mandatario ta pose pa potret, despues di a ricibi e premio aki.
BOLSA DI BERLIN
E bolsa di Berlin, e aña aki tumando lugar di 4 pa 7 di maart 2015, ta un di esunnan mas grandi mundialmente y esun porta mas conoci unda cu tur pais di mundo cu seriamente kier participa den e industria di turismo, ta participa. Aruba semper tin un presencia grandi, y hopi biaha ta saca cara durante e evento aki. Foto cortesia Tirso Tromp.