AHATA: Ainda sector di tursimo ta recuperando di temporada largo di perdida

ORANJESTAD -  Den cifranan mensual di Aruba Hotel & Tourism Association (AHATA) por nota cu e entrada averahe pa tur camber disponibel (RevPAR) a recupera cu 61.6% solamente, compara cu 2019. Desde Maart 2020,  companianan turistico a experiencia un perdida financiero enorme, y ta tuma tempo pa recupera y yega na stabilidad. RevPAR di hotelnan na Aruba ta e indicador principal di e rendimento di nos industria turistico. Te ainda e grado averahe di RevPAR mensual no a yega nivel di 2019, aunque desde mitar di 2021 e hotelnan a cuminsa realisa mihor resultado. Durante e 11 lunanan di 2021, Aruba su hotelnan a realisa RevPAR averahe di $140.67, cual ta 38.4% menos compara cu e mesun temporada na 2019.

Actualmente ta proyecta cu ocupacion averahe di ful aña 2021 lo ta 33% menos cu na 2019.

 Pa 2022 AHATA ta proyecta un nivel di recuperacion di 85% compara cu 2019.