Scol ta bishita Bloedbank y Hemo dialyse di Hospital

ORANJESTAD - Como studiedag 2015, docentenan di Filomena College Mavo a haci un bishita na dos instancia di salud na Aruba. Nan ta: Bloedbank Aruba & afdeling HEMO DIALYSE di Hospital. Informacionnan masha valioso riba e salud di cada individuo riba Aruba a ser presenta. Hopi importante ta pa nos cuida nos Riñonnan y esaki ta cuminsa cu bebemento di hopi awa tur dia. Apesar di e bon servicio cu HEMO DIALYSE ta brinda, e no ta un bida facil ora cu bo ta haya bo mes ta tuma dialyse mas cu un biaha pa siman.

INFORMACION

Tambe Bloedbank Aruba a duna informacion valioso na e grupo di docente, mustrando e importancia cu donantenan di sanger tin pa salba bida di pacientnan na Aruba. Tambe a ser acentua cu no ta tur hende ta bin na remarke pa duna sanger. Esaki tin di haber cu forma di bida cu e donante ta hiba y tambe si e ta sano.

GRADICIMENTO

E dia aki a resulta den un dia masha educativo pa tur e maestronan cu tabata presente. Na nomber di full e team di FCM, juf. Maroushka Koopmans a gradici tanto Sr. Raymond Maxwell di Bloedbank Aruba como sra. CAROLINE RAPHAELA e zorgcoordinator di HEMO DIALYSE pa nan hospitalidad y presentacion brinda na e team.