Gobierno a pidi sindicatonan 2x24 ora pa decisicion riba recorte salarial di 12.6%

ORANJESTAD – Gobierno di Aruba (lesa:minister presidente Evelyn Wever Croes) a pidi sindicatonan 2x24 ora pa e duna nan un contesta definitivo riba e kitamento di e recorte salarial di 12.6% of e 5% di salario directo, y tambe pa no kita e pago di e trahadonan cu a welga e ultimo dianan aki. Asina presidente di sindicato SEPPA Magaly Brito a informa e manifestantenan dilanti Bestuurskantoor dialuna algo despues di 1’or y mei. Esaki ta nifica cu pa mas tarda 1’or y mei diaranson awor, sindicatonan mester haya un contesta bek. “Sino nos ta para akifor atrobe te proximo aviso” e sindicalista a bisa e manifestantenan. Despues a pidi e manifestantenan pa bandona e sitio y sea bay nan trabou of nan cas. No ta conoci con prome minister ta bay regla e asunto aki, mirando cu a bisa for di comienso cu ta Hulanda ta esun cu ta dicidi, y cu Hulanda a bisa bon cla cu tanten cu nan ta dunando sosten di likides, e recorte ta keda vigente.