Partidonan VVD, D66, CDA y CU ta cerca di cera acuerdo pa gabinete nobo!

DEN HAAG – Partidonan politico VVD, D66, CDA y ChristenUnie ta cerca di un acuerdo pa un gabinete nobo. E chens ta grandi cu comienso di otro siman, e partidonan por presenta e acuerdo di gobernacion. Asina fuentenan ta informa e portal Hulandes di noticia NOS. Esnan cu ta negoshando, a sinta casi 10 ora hunto ayera. Un acuerdo definitivo no tin ainda. Pero tin optimismo. “Nos a progresa. Nos ta yegando e final?: e lider di CU Segers a bisa. E lider di D66 Kraag a bisa cu un acuerdo bunita y ambicioso lo Sali afo. Y lider di CDA Hoekstra ta bisa cu a yega hopi leu”. Esaki ta e formacion mas largo den historia politico di Hulanda. A tene eleccion na maart di e aña aki y ainda no a logra forma e gobierno nobo.