Figaroa: Gobierno mester cumpli cu tur dos exigencia, pa por haya sindicatonan bek na mesa

ORANJESTAD – Tanten gobierno no para e recorte salarial di 12.6%, no ta sinta na mesa. Esey kier men cu si para mes di negosha cu e ‘otro sindicatonan’ manera cu a pone den un carta ayera diahuebs, sindicatonan cu ta protestando, lo no acepta e oferta ey so di gobierno. Asina presidente di sindicato FTA Hose Figaroa a bisa durante un accion riba otro tema, di trahadonan di Aruba Beach Club. Segun Figaroa, pa tin un apertura, mester para e recorte. Y e ora por negosha pa wak kico por bin na lugar di e recorte. 

SINDICATONAN KIER NEGOSHA

Segun Figaroa, gobierno ta mustra incorectamente cu sindicatonan no ta dispuesto pa negosha. “Esey no ta corecto. Sindicatonan ta totalmente dispuesto pa negosha, pero mester negosha riba tur e puntonan” Figaroa a bisa. 

KICO TA PASA DIALUNA

Tin un ‘concepto’ di un draaiboek pa un eventual paro nacional dialuna awor, pero e detayes no ta conoci ainda completo segun Figaroa. “Nos ta pendiente di e decision of reaccion di gobierno” Figaroa a bisa.