Trahadonan di Aruba Beach Club a bay den accion

ORANJESTAD – Mayoria di e trahadonan di Aruba Beach Club, e hotel situa riba e strip di hotelnan low rise, a bay den accion diabierna mainta, pa protesta e forma con gerencia ta atendiendo cu nan negosacion di CAO.  Presidente di e sindicato FTA Hose Figaroa a sigura noticiacla awe mainta durante un transmission en bibo, cu e accion ta di duracion di 2 ora, y cu si no yega na otro, no ta descarta cu por intensifica e accion y sigur den orarionan cu ta mas ocupa, complicando e operacion di e hotel.  

MEDIADOR DI GOBIERNO

Mientrastanto sr Figaroa a informa tambe cu a haya invitacion di mediado di gobierno sr Anselmo Pontilius pa sinta na mesa, y esaki lo mester sosode diabierna mainta 11’or. Si no sali afo, esaki lo por nifica intensificacion di e accionan. Ta trata di riba 70 trahado di e total di mas of menos 90 pa 100 trahado cu ta traha na Aruba Beach Club, e prome hotel Time Share na Aruba. E accion di diabierna mainta a conta cu riba 70 trahado, di cual 40 tabata na pia di trabou presente pafo.