Den carta habri, sindicatonan ta exigi Gobierno stop negosacion cu sindicatonan ‘minoritario’

ORANJESTAD – E grupo di 13 sindicato cu a organiza e dia di accion diaranson ultimo, ta exigi pa Gobierno stop inmediatamente cu e dialogo cu e sindicatonan minoritario cualnan ta tumando lugar riba e tema aki y ademas ta urgi Gobierno pa reconsidera su posicion pa cu e eliminacion di e 12.6% di recorte di salario y confirma esaki na nan mas tarda diabierna 10 december 2021, pa 12’or di merdia pa di e forma aki evita escalacion di accion.

CARTA HABRI

Den un carta habri na representantenan di Pais Aruba den nan Rol como Dunador di Trabou, e sindicatonan ta bisa cu ta parce cu Gobierno como representante di pais Aruba como dunado di trabou no ta caba di compronde kico kiermen respet y kico kiermen biba riba un pais democratico. Nan ta recorda entre otro cu na mei 2020, Gobierno ta hinca man den cartera di trahado y ta ranca 12.6% di nan entrada pero tambe ta kita 12.6% di e cuminda for di hogarnan di un cantidad grandi di trahador. Cu e 12.6% gobierno a negocia y balora loke segun gobierno ta kere cu e trahado di gobierno merece pa biba. A impone y mishi cu salario di trahado sin permiso y akinan a actua contra ley a actua contra nos Democracia y esaki ta nifica tambe un preludio di Dictadura. Lesa e carta completo AKI.