- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Eagle LNG y Web Aruba NV a firma contracto pa suministro di gas
SAN NICOLAS – Awe mainta durante un ceremonia na Nicolas Store na San Nicolas, presidente di e compania Mericano Eagle LNG Sean Lalani y Director interino di WEB Aruba NV Lati Wever a firma un acuerdo di suministro di gas natural pa e planta di awa, entrante 2024. E contracto su balor no por a wordo divulga pa motibonan di confidencialidad pa proteha contra competencia, segun sr Lalani. “Pero mi por garantisa bo cu e lo ta yegando cerca di 1 biyon dollar di inversion” Lalani a sigura periodistanan durante e session di pregunta cu a sigui despues di e firmamento.
DETAYES
Segun sr Lalani, e intencion ta pa na 2022 caba cu inversionan pa construccion di e planta moderno riba tereno di Refineria di Aruba (RDA).E motibo ta cu esaki ta e miho area industrial pa e planta. For di eynan, usando pipanan special, lo transporta e gas den forma di presion abou, for di e planta na RDA pa WEB na Balashi. WEB na su turno, segun su director interino sr Wever, lo inverti 40 miyon florin approximadamente pa traha e facilidad pa por ricibi e gas aki den e forma cu e ta wordo transporta. Loke no ta determina ainda ta ki forma di pipa lo usa pa transporta e gas, y si e ta riba tera of bou di tera. Actualmente WEB ta ricibi su heavy fuel oil via pipanan cu ta pasa riba tera desde RDA pa WEB. Transporta e gas natural di e mesun forma, tin su risico mas grandi. Sr Lalani a priminti cu lo usa e forma mas miho y safe pa evita tipo di problema cu peliger asina. Pa loke ta e cantidad di gas cu lo almacena, sr Lalali a sigura cu lo tin suficiente pa WEB pa un periodo di 20 pa 30 dia di gas. Durante e periodo di construccion di e planta, Eagle LNG lo usa aproximadamente 100 persona of mas, mientras cu ora cu e planta ta operacional, esaki lo crea oportunidad di trabou pa aproximadamente 20 persona cu lo ta personanan bon educa y cu lo por ricibi un salario halto. Si no tin persona local cualifica, lo entrena nan pa e trabou aki.
CONTRACTO
Un punto hopi crucial, ta e transparencia di e contracto. Algo cu durante e conferencia di prensa diahuebs mainta, no por a keda estableci. No por a pone un suma di balor na e contract, ni por a duna certesa ainda di haya copia di e contenido di e contracto. Esaki pasobra mester e.o, proteha e compania di eventual competencia. Na final e minister encarga cu energia, Glenbert Croes a priminti cu un parlamentario di partido RAIZ Raymond Kamperveen, lo haya copia di e contracto pa 15 di December proximo, hunto cu contesta riba su 10 preguntanan manda recientemente. A confirma tambe cu (taba)tin un diferencia di opinion entre Raiz y MEP riba e asunto aki, pero cu segun minister Croes, diferencia di opinion ta demonstra cu nos tin un democracia ‘bibo’ unda cu e diferencianan aki ta permiti.
SETAR a tene su Avigilon ALTA Launch Event cu enfoke riba e futuro di seguridad
CBS: Bestaansminimum a subi atrobe na Aruba debi na aumento di gasto di cuminda
ORANJESTAD - E bestaansminimum ta e nivel minimo di entrada cual ta wordo percibi cu ta necesario pa logra mantene un nivel di bida adecuado den un cierto pais. Usualmente e bestaansminimum ta wordo determina door di calcula e gasto di tur e recursonan esencial cu un adulto ta consumi den un luna of aña. Generalmente esaki ta wordo yama un indice basico di necesidad, y e ta varia segun e prijs di cuminda, paña, vivienda, transporte y otro articulonan den e “canasta”. Escalanan di ekivalencia ta wordo usa pa ahusta e nivel minimo di entrada percibi pa hogarnan di diferente tamaño y composicion. E escala ta asigna un peso di 1.0 pa e prome adulto y 0.5 pa cada adulto adicional den e hogar (edad 16+) y un peso di 0.3 pa cada mucha (edad 0- 15 aña). E bestaansminimum ta basa riba cifranan di e rapport “Bestaansminimum 2010” y ta wordo actualisa mensualmente pa cu inflacion usando e CPI mensual. E unidad di referencia den e rapport aki ta di un hogar cu ta consisti di dos (2) adulto y dos (2) mucha (edad 0-15 aña).
WEB Aruba ta firma acuerdo cu Seven Seas Water Group pa construi planta SWRO-3
ORANJESTAD – Diaranson dia 17 di mei ultimo, WEB Aruba y Seven Seas Water Group (SSWG), un proveedor multinacional di ‘Water-as-a-Service® (WaaS®) solutions’, a firma un acuerdo Build-Own-Operate-Transfer (BOOT) cu un termino di traspaso di 10 aña. Seven Seas Water (Aruba) VBA lo construi un planta di SeaWater Reverse Osmosis (“SWRO”) cual lo contribui cu un minimo di 16.500 meter cubico di awa potabel pa dia. E asina yama SWRO-3 lo ta parti di WEB Aruba su plan di termino largo y su Water Road Map pa satisface demanda continuo di awa, manteniendo suministro confiabel. E planta nobo lo reemplasa e actual facilidad temporal di produccion di awa. SSWG a haya e contrato despues di un proceso di tendering y negociacion na 2023. Lo construi e planta SWRO-3 riba tereno existente di WEB y ta planea pa cuminsa opera pa medio 2026.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
Follow NoticiaCla
