De Cuba: Sindicato STA no ta participa den accionan di diaranson

ORANJESTAD – Directiva di Sindicato di Trahadonan di Aruba (STA) no ta sostene e paro general di mayan y e motibo nan ta obvio. Asina e presidente Diego de Cuba a bisa den un documento cu a cuminsa circula diamars den dia. Segun de Cuba na noticiacla, e no tabata un comunicado, pero e informacion ta corecto si. Nan ta un di e 4 sindicatonan cu no ta participa na e accionan di diaranson awor. Entre e motibonan duna ta varios. Entre nan tin e sentencianan cu a crea un hurisprudencia riba e asunto. Particularmente tin 2 sentencia cu ta cologa ariba tur hende 1 na Aruba y 1 na St.Maarten caminda cu Huez a bay na fabor di gobierno a base di " algemeen belang".Un otro punto hopi importante ta e hecho cu gobierno di Aruba a invita tur e sindicatonan pa un dialogo, pa asina trese tur locual cu nan ta kere of ta sinti cu por ta un solucion pa elimina e 12.6% dilanti cual te caminda corecto..Sindicato STA tambe tin e deseo pa elimina e 12.6% pero ta di opinion cu mester discuti e materia aki na mesa conhuntamente cu gobierno di Aruba..STA no por prohibi ningun di su miembronan di bay manifesta mirando e hecho cu nos ta biba den un estado democratico y mester respeta esey..Turismo ta nos unico pilar economico y awor cu e ta biniendo bek riba pia no ta prudente pa bin cu un paro general ,anto den e temporado halto di turismo..Mester corda semper cu locual ta core cu turismo ta "Politieke Onrust" y "Arbeids Onrust" na un pais..”Mi no ta kere cu mayoria di nos kier esey..Locual cu STA a logra pa su miembronan ta a base di dialogo, transparencia y democracia bibo.STA ta convenci cu dialogando cu gobierno nos por logra nos meta y no cu un paro general” de Cuba a bisa.“Gobierno tin e espacio habri pa dialoga, ban dialoga y no ban kibra nos Pais inesecariamente” de Cuba a finalisa bisando.