A cuminsa bende number di auto no paga pa aña 2015

ORANJESTAD – Departamento di Impuesto a cuminsa bende number di auto no paga pa aña 2015. E fecha final pa haci pago tawata dia 17 di februari 2015. Pues, na e momentonan aki tur esnan cu no a haci pago di e belasting di aña 2015 y ta uzando nan vehiculo di motor riba caretera publico ta actuando contra ley. Di acuerdo cu ley, Departamento di Impuesto ta reserva e number pa e cliente mas tanto posibel. Si acaso no tin number mas disponibel pa e clientenan nobo, e ora lo bay over na otorga e numbernan no paga na e clientenan aki. Esaki ta e caso tambe na e momentonan aki.

PERDE NUMBER

Pa e cliente cu no a paga su belasting, e risico di perde e number ta keda bira mas grandi dia pa dia, paso tur dia tin demanda pa number nobo. Esnan cu ya a perde nan number, lo haya sa na momento cu bin haci pago. E clientenan aki lo por haya un otro number riba nan nomber.

APELACION

Departamento di Impuesto ta haci un apelacion na tur cliente cu ainda falta pa haci pago, pa haci esaki mas pronto posibel y asina evita di perde e number y haya un boet di polis.