Grupo di Parlamento a bay Hulanda pa atende congreso riba desmantelacion Antias

DEN HAAG  – Un delegacion di Parlamento di Aruba a yega Hulanda dialuna 6 di December 2021. E presidente  mr. Edgard Vrolijk a biaha for di diabierna caba y a keda ricibi  na aeropuerto Schiphol pa Minister Plenipotenciario Guillfred Besaril. 

Awe dialuna 6 di december e demas di e miembronan di Staten a yega Hulanda. Director a.i. di Arubahuis mr. Glenn Ling a bai ricibi e delegacion aki cu a consisti di drs. Shailiny Tromp-Lee, mr. Gerlien Croes, Raymicheline Raymond Msc, drs. Marisol Lopez-Tromp, Miguel Mansur, Louisette Christians-Yarzagaray Msc y griffier di Staten mr. drs. Herman Hek.

E delegacion di Staten ta na Hulanda pa participa na e congreso “ Tien jaar na de ontmanteling Nederlandse Antillen”. Tambe nan lo tin otro compromisonan manera un bishita na Raad van State y Arubahuis. Nota pa redacion: E potretnan ta cortesia di Arubahuis