Lewis Hamilton ta gana Grand Prix di Saudi Arabia, Verstappen ta #2

Lewis Hamilton ta gana Grand Prix di Saudi Arabia, Verstappen ta #2

Posted on 12/5/2021 4:34 pm AST | Updated on 12/5/2021 4:34 pm AST

RIYAHD – E coredo di auto professional Lewis Hamilton a gana e careda caotico y yen di incidente Grand Prix di Saudi Arabia diadomingo. E hulandes Max Verstappen a keda na di dos lutar. Riba e lista mundial, ambos ta riba e posicion number uno. Otro siman durante e ultimo careda, ta dicidi ken ta bira campeon mundial di 2021. Hamilton a gana e titulo 7 biaha caba. Aworaki Verstappen tin mas punto acumula, pues si nan no participa otro siman, Verstappen ta gana pa motibo di punto.  

  • Minister di Australia a revoca visa di tenista number uno di mundo

    Minister di Australia a revoca visa di tenista number uno di mundo

    MELBOURNE – Minister Australiano di imigracion Alex Hawke a revoca e visa di e tenista number uno di mundo Novak Djokovic., Esaki kier men cu e tenista mester bandona e pais pronto, sino por participa y defende su titulo na e toreno di tennis Habri di e pais cu ta inicia dialuna awor. E tenista a apela e decision ey. E minister ta sigura cu a tuma e decision den bienestar di e comunidad Australiano. A invita e tenista pa un combersacion diasabra awor, y te ora e y e por keda den e lugar cu e ta, y no den e hotel obliga di Melbourne unda cu e mester a keda ora cu a prohibie entrada. Despues di e combersacion ey, lo detene Djokovic. Pero tanten Corte no dicidi, e tenista mester keda Australia. Ta premira cu e huez ta dicidi mas tarda diadomingo mainta ora di Hulanda. 

  • Principe Andrew di Inglatera ta perde titulonan Real debi na caso civil di abuso sexual

    Principe Andrew di Inglatera ta perde titulonan Real debi na caso civil di abuso sexual

    LONDON – E titulonan di Duke y otro titulonan military y real a wordo kita di Principe Britanico Andrew. Asina Palacio Buckingham a anuncia diahuebs. Cu esaki Principe Andrew lo stop di usa e titulo di Su Altesa Real prome cu su nomber. E titulo di Duke, lo wordo dun ana otro miembronan di famia Real. E motibo di e cambio ta e hecho cu e principe ta confronta un caso civil na Merca di abuso sexual ora cu e victima tabatin 17 aña. Algo cu e la nenga semper. Un huez a dicta diaranson cu e caso presenta pa e victima, lo continua, despues cu e principe a haci intento pa para esaki. 

  • Practicamente henter Europa ta color cora scur, debi na contagio di Covid19

    Practicamente henter Europa ta color cora scur, debi na contagio di Covid19

    BRUSELAS – E cantidad di contagio na Europa ta aumentando asina hopi, cu practicamente henter Union Europeo ta color cora scur, cu ta e nivel mas halto di alarma. Solamente Romenia y e parti mas grandi di Polonia y Hungria ta riba e color cora regular. E carchi a keda publica diahuebs pa e departamento di salud Europeo ECDC. E carchi ta basa riba e cantidad di contagio di ultimo dos siman. E region mas afecta ta esun Spaño Navarfra, unda cu ultimo dos siman a haya 48 mil hende positivo. Esaki ta 7403 caso riba 100 mil hende.  

  • Yiu di imigrantenan Arubiano na New York ta bira vice presidente di condado di Brooklyn

    Yiu di imigrantenan Arubiano na New York ta bira vice presidente di condado di Brooklyn

    NEW YORK – Yiu di imigrantenan di Aruba biba na New York a keda apunta pa bira e vice presidente di e condado di Brooklyn na New York. Ta trata di miembro di asamblea Diana Richardson, cu a nace na Brooklyn, pero ken su mayornan ta Arubianonan cu a muda pa Merca.  Den su trabou nobo, Richardson lo ta enfoca pa atende cu asunto di inseguridad di cuminda, reduci violencia di arma y sostene e directivanan di comunidadnan di Brooklyn. Sigur un logro pa un famia di Aruba. 

  • Doño di weganan manera Grand Theft Auto, a cumpra compania doño di Farmville (Zynga)

    Doño di weganan manera Grand Theft Auto, a cumpra compania doño di Farmville (Zynga)

    NEW YORK – E doño di weganan manera  Grand Theft Auto, Red Dead Redemption y Bioshock esta Take-Two a cumpra e competencia Zynga pa 12.7 biyon dollar. Zynga ta doño di e weganan manera Farmville, CSR Racing y Empire & Puzzles. Cu e toma aki, Take Two ta bira un di e companianan mas grandi mundial di weganan. E ta grandi ainda pa weganan di computer y consoles manera Playstation y Xbox. Na Aruba e weganan aki ta hopi popular tambe, y mayornan conoce e weganan aki cu nan ta cumpra pa nan yiunan. 

  • Presidente di Parlamento Europeo David Sassoli a fayece

    Presidente di Parlamento Europeo David Sassoli a fayece

    BRUSELAS – E presidente di Parlamento Europeo David Sassoli a fayece. Desde fin di luna pasa e tabata hospitalisa den Italia den un hospital debi na un fayo cu su sistema imunologico. Na September di aña pasa e la keda interna debi na un pulmonia serio. Na November e la bay bek trabou pero riba di dos dia di pasco, el a bolbe drenta hospital. E italiano di 65 aña di edad tabata presidente di Parlamento Europeo desde juli 2019, y a forma parti di Parlamento Europeo desde 2009.  Sassoli a informa caba luna pasa cu e lo no postula su mes pa reeleccion e luna aki. 

  • Powered by SETAR