Chens pa mas awacero isola awe riba Aruba

ORANJESTAD – For di marduga Aruba a haya bendicion di awa, y tin indicacion cu e lo sigui pa gran parti di awe. Segun e pronostico oficial di servicio meteorologico, humedad den nivelnan abou lo ta presente pa e siguiente dianan y esaki lo trece mas nubianan. De bes en cuando y tambe e chens pa algun yobidanan isola lo aumenta.

PRONOSTICO

E biento ta aumenta debi na un area di presion halto riba mar atlantico cu ta desaroyando. Shelo lo ta parcialmente nubla cu chens pa algun yobidanan isola y pasahero. Temperatura maximo 31 grado celsius y temperatura minimo 26 grado celsius.

PROSPECTO

Prospecto di tempo pa e siman: Parcialmente nubla cu chens pa algun yobidanan isola. Biento ta aumenta y temperatura ta fluctua rond normal.