Triple A NV ta bay financia material pa post di bombero na aeropuerto

ORANJESTAD – Aeropuerto di Aruba (AAA) ta bay financia material pa e post di bombero na aeropuerto. Asina a keda informa diahuebs durante un conferencia di prensa diahuebs mainta. Pa esaki tabata necesario presencia di dos minister, di husticia y di turismo, responsabel pa bombero y aeropuerto respectivamente. E ta un acuerdo unda cu cuerpo di bombero por pidi AAA pa fondo pa inverti den e cuerpo, y unda AAA por prefinancia esaki. 

ACUERDO

Tur esaki ta possible debi na un acuerdo cu gobierno di Aruba a cera cu AAA na 2014, articulo 4 pa ta preciso di e acuerdo aki cu ta stipula cu brandweer lo por haci su peticionnan pa loke ta inversionnan capitalista na AAA y AAA lo por pre-financia esakinan. 

EKIPONAN

Ta papia di p.e. ekiponan di proteccion personal, “blusbakken” , aparato pa respiracion, diferente autonan cu ta necesario, “crash standers” , “tankwagens” etc. A compronde cu AAA por adkeri tur e material aki mesora. Loke ta importante ta cu parti di e plan ta ensera cu e costonan operacional lo ta ancra den e acuerdo cu ta nifica cu e material nobo por wordo manteni tambe