ORANJESTAD – Ex minister Paul Croes mester paga pais Aruba 183.489,10 mil florin bek of sinta castigo di prizon di 1 aña. Asina Corte a dicta den sentencia den caso di expropiacion relaciona cu e caso penal Ibis. Abogado di e ex mandatario Demis Illes a confirma esaki pa noticiacla awe mainta. E exigencia di Ministerio Publico tabata pa e ex mandatario paga e suma di 207 mil florin bek, pero Corte a rechasa e parti aki. E ex mandatario tin 2 siman pa dicidi si e ta apela e sentencia aki. Mientrastanto ta conoci cu e ex minister a apela e sentencia di corte di apelacion unda cu e mester sinta 3 aña den prison.
MELONY PAESCH
Den caso di e casa di e ex mandatario Melony Paesch, aki Corte a absolve sra Paesch y a declare liber di e acusacion di Ministerio Publico considerando Ministerio Publico no admissible. E suma cu Ministerio Publico a exigi pa e paga bek, tabata 207 mil florin. Pero esaki no ta ta necesario mas segun e sentencia di Corte.
E CASO
Tabata dia 21 di October ultimo cu Corte den Promer Instancia a trata e caso di expropiacion (kita propiedad) contra Paul Croes, relaciona cu labamento di placa. Un Hues y un Griffier di Curacao a bin Aruba specialmente pa tratamento di e caso aki. E Hues di Curacao a mustra cu for di documentonan di tratamento di e casonan den Promer Instancia y e sentencia di Corte Superior por compronde Melony Croes Paesch a wordo declara liber di a laba 209 mil florin. Hof su decision ta cu Paul Croes ta culpable di a laba 183 mil florin.
POSONE
Fiscal a bisa Hues pa pospone e caso contra Melony pa tempo indifini pendiente e casacion den Corte Supremo. Mr. Illes a haya cu ta mihor pospone tur e casonan pendiente decision di Corte Supremo, mirando cu Paul Croes a apela e sentencia di Corte Superior.
HUEZ
Hues a bisa e dia ey cu e ta bay evalua despues di tratamento di e caso si lo pospone of no. Paul Croes a bisa Hues cu a purba di splica Hof di Corte Superior cu no ta asina cu a laba placa. El a splica cu ta masha trabao y bergonsozo pa bay pidi esnan cu a asisti na nan casamento pa bisa cuanto placa a duna na regalo y mester firma. Segun Paul Croes, tur esaki a haci pa demostra cu no ta labamento di placa. Lamentable Hof ta opina otro. Hues a puntra Paul Croes si e tin trabou. Paul Croes a splica cu for di 2018 e no tin salario mas y no tin trabao. Nan ta huur nan cas y Melony tin negoshi pa asina yega na placa pa mantene famia.
CALCULACION
Fiscal a bisa cu den un caso di kitamento di propiedad ta basa riba calculacionnan cu a haci den actividadnan criminal. El a bisa cu e hecho cu awor Paul Croes no tin placa, no ta relevante. Paul Croes a wordo condena den Hof pa entre otro labamento di placa. Fiscal a demanda algo mas di 207 mil florin. El a bisa cu si Paul Croes no paga lo tin un castigo di prison maximo di 3 aña.
DEMANDA
Abogado mr. Illes a bisa Hues cu e no ta haya cu por haci demanda contra Melony Croes Paesch. Pa loke ta Paul Croes, mester a haci investigacion grandi pa determina cuanto placa a haya ora di casamento. Hof a pone esaki un banda. E abogado a haci apelacion na Hues pa tuma esakinan na cuenta. E abogado a mustra cu Fiscal ta papia di 207 mil mientras cu Hof ta papia di 183 mil florin. Click AKI pa e sentencia di ex minister Paul Croes.. Click AKI pa e sentencia di Melony Paesch.
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.