UNWTO: 2021 Turismo mundial lo perde 2 triyon di dollars Mericano

UNWTO: 2021 Turismo mundial lo perde 2 triyon di dollars Mericano

Posted on 12/1/2021 10:01 am AST | Updated on 12/1/2021 10:02 am AST

MADRID - E recuperacion den Turismo ta bay ta Fragil y Slow debi na e Olanan di e pandemia y variantenan cu ta surgi, awo ta Omicron.  Segun Zurab Pololikashvili, Secretario General di United Nations World Tourism Organisation cu cede na Spaña; Turismo mundial lo hiba un perdida enorme di alrededor di 2 TRIYON di US Dollars e aña aki.

Actualmente Europa ta e epicentro di pandemia y ta sufriendo golpinan enorme debi na aumento di casonan den e di 4 ola cu nan ta experienciando. E noticia di variante nobo y inseguridad di vacuna contra di e variante awe a haci cu e mercadonan financiero a wordo sacudi.  Moderna a informa cu nan vacuna no lo ta mes efectivo contra di e variante nobo Omicron. E organisacion mundial di turismo ta conseha pa paisnan revisa bon nan protocolnan y pa haci palabracionnan cu otro pa evita confuison ora di biahe.

Tin diferente factor cu ta influenciando e confiansa di e biahero; e grado di vacunacion den e pais, e medidanan y cantidad di casonan activo den e pais. Na e momentonan aki tin 46 pais cu tin 21% di tur e casonan di Covid y nan frontera ta cera, mientras cu tin 55 otro pais cu a cera nan frontera parcialmente. Aki na Aruba nos ta depende casi completamente di e Turismo Americano y na e momentonan aki esey ta bayendo bon te ainda, nos lo por cera aña cu alrededor di 72% di recuperacion. Sinembargo manera cu cos ta pinta, nada ta sigur, e incertidumbre debi na e olanan di pandemia y e viariantenan cu por surgi ta causa cu mester introduci mas medida y na su turno ta causa instabilidad den confiansa di e biahero y economia. Na e momentonan aki a nota un aumento leve den demanda pa buelo mundialmente den e ultimo kwartaal di 2021, sinembargo ta dificil pa cualkier pais, of compania haci proyeccion adecuado pasobra bo no sa kiko tin mayan, aki 6 luna of aki un aña.  Ayera e di 24 edicion di e Asamblea General di UNWTO a cuminsa na Madrid, 1000 participante di 135 pais lo atende e cumbre mundial aki den temponan hopi dificil pa e industria di Turismo.

  • Merca a confisca Boeing cu ta registra na Aruba di magnate Ruso

    Merca a confisca Boeing cu ta registra na Aruba di magnate Ruso

    WASHINGTON – Merca a confisca un Airbus A319 di un comerciante y parlamentario Ruso Andrei Skoch, y cual avion tabata registra na Aruba y paga pa dollar Mericano pa e registracion y mantencion. Esaki ta viola e sancion cu tin contra e riconan Ruso. E ta un avion priva di e Ruso, cu un balor di 90 miyon dollar. Skoch tabata miembro di Parlamento Ruso (DUMA) desde 1999 y bou di sanccion Mericano desde 2018 debi na su relacion cu gruponan criminal organisa Ruso. E ta wordo considera como e politico mas rico di Russia. Despues di e invasion Ruso na Ucrania, Merca a sigui impone sancion contra Skoch y su propiedad pa sostene e intento Ruso pa viola e soberania di e pais. Skoch a cumpra e airbus pa medio di varios empresa fictisio perteneciendo na su amante. E jet priva actualmente ta ubica na Kazakhstan, segun fiscalnan federal Mericano. 

  • Australia a recorda actris y cantante Olivia Newton-John

    Australia a recorda actris y cantante Olivia Newton-John

    MELBOURNE – Na Australia a reacciona hopi tristo riba e morto di e cantante y actris reconoci Olivia Newton-Joh. E actriz Britanico a fayece dialuna nae dad di 73 di cancer na su cas na Merca. E tabata un artista hopi stima na Autralia y aunke no ta un nativo di e pais, a haya su comienso eynan na edad hopi hoben. E ta conoci pa a actua den e pelicula epico Grease cu actor Mericano John Travolta den añanan 70. 

  • Spaña ta usa tankero Hulandes pa combati escases di awa

    Spaña ta usa tankero Hulandes pa combati escases di awa

    MADRID – Prome biaha region Spaño ta usa un tankero Hulandes pa transporta awa pa areanan di secura na Spaña. Un tanker ta bay provee e region noordoost di Bilboa cu awa. Den e region aki a presiion di awa ta wordo reduci pa spaar riba awa. Eynan ta unda cu e tanker su ayudo ta bira crucial. Ta e intencion pa e tanker Dutch Spirit, provee 2300 metro cubico di awa diariamente.  E compania di awa Aguas Balbao Bizkaia (CABB) ta papia di un medida hopi special. “E nivel di awa a baha door di falta di yobuda. Acerca ta bin e periodo largo di  temperature halto” e compania a bisa.  

  • Venezuela ta protesta cu Merca kier confisca avion di carga cu a bishita Aruba recientemente

    Venezuela ta protesta cu Merca kier confisca avion di carga cu a bishita Aruba recientemente

    CARACAS – Presidente Venezolano Maduro a protesta e peticion di Merca pa confisca un avion boeing 747 Venezolano na Argentina. E avion aki a wordo usa pa transporta carga tambe pa Aruba na luna di mei ultimo y cu riba orden di Aruba, a wordo prohibi pa aterisa riba nos isla den futuro. Merca kier confisca e avion pasobra e la viola sancion internacional impone riba e compania doño, debi na vinculo cu terorismo internacional. E hecho cu a usa e avion pa transporta carga pa Aruba, a pone Aruba den e noticia internacional den un luz negativo recientemente. Segun e presidente Venezolano, Merca kier horta un avion Venezolano, despues cu e tabatin e avion secuestra pa dos luna. E presidente a bisa cu Venezuela ta protesta esaki y ta pidi e pueblo Argentino su apoyo pa recupera e avion. 

  • Mei miyon persona na Japon ordena pa evacua debi na inundacion causa pa awacero

    Mei miyon persona na Japon ordena pa evacua debi na inundacion causa pa awacero

    TOKIO – Despues di inundacion na Japon, por lo menos tres persona ta perdi. Autoridad local a bisa cu a ordena mas di mei miyon persona pa desaloca y busca otro caminda pa sconde pa e situacion. No tin notificacion di morto. Awacero torencial a causa cu cayanan a inunda y riuwnan a pasa nan borde. Casnan a keda destrui y brugnan a cay den otro. Den apenas 24 ora un total di 27 centimere di awa a cay den e parti central di Yamagata.  

  • Islands Origins: Aruba entre e 4 islanan miho pa biba den Caribe

       Islands Origins: Aruba entre e 4 islanan miho pa biba den Caribe

    MIAMI – Aruba ta entre e 4 areanan prefer pa biba den Caribe, segun e portal Islands Origin Magazine.  E articulo ta mustra cu Caribe no ta solamente un bon lugar pa vacacion, sino tambe uno increibel pa biba. E portal ta scohe Aruba debi cu e ta un di esnan mas desaroya y modern, y ta un lugar perfecto si bo kier ta activo. Bista bunita, oportunidad perfecto pa haci compras, y bunita arte, tur den un solo lugar. Ademas, ta haci mencion di e posibilidad nobo pa negoshinan nobo usando e concepto di startups. “E ta un lugar ideal pa esnan cu ta traha den e industria di technologia” e articulo ta sigui bisa. Ademas di Aruba, Corsou, Barbados y Us Virgin Islands ta den e mesun categoria. Click AKI pa e articulo completo. 

  • Powered by SETAR