Aeropuerto di Aruba ta # 5 di Caribe segun Caribbean Journal

ORANJESTAD – Aruba su aeropuerto ta den e top 10 di aeropuerto di Caribe, segun e revista electronico Caribbean Journal. A uza varios criterio, for di esun cu e pista di aterisahe, mas duty free, y den caso di Aruba, e miho facilidad di imigracion. Segun e revista, yega bo destinacion no ta mesun dushi cu antes. Liñanan largo y kita casi sunu pa pasa seguridad, ta daña e ambiente di biahe. Den e caso aki, Aruba a keda na di 5 luga, cu Jamaica tumando e spot number uno, cu Sangster International airport. St Maarten ta riba Aruba, na number 3.

CRITERIA

Loke a pone cu Aruba ta den e top, ta e conveniencia di por pasa door di e proceso di Pre Clearance pa biahenan mericano cu ta, -segun e revista-, kita por lo menos mei ora di tempo na e aeropuerto di Miami ora bo yega. Pues bo ta ‘scapa’ mei ora di tempo. Pues e sistema di imigracion definitivamente at algo positivo pa nos aeropuerto, den bista di e revista.

ST MAARTEN

Y uno cu ta conoci pa Aruba tambe, ta su ‘partner’ den Reino, esta St Maarten. Su aeropuerto princess Juliana International tambe ta figura den e top 10, y te hasta mas halto cu Aruba, na number 3. Aki e loke ta resalta, ta e e cantidad di porta di salida (12) cu tin y e cantidad di counter pa check in (46) cu ta agilisa e proceso di check in. Y pa no lubida e WI-FI gratis.

RESTO DI TOP

Otro islanan cu ta den e top ta Lynden Pindling int’l di Bahamas, Cancun Mexico, Point a Pitre, Guadaloupe, Punta Cana, Republica Dominicana, Aeropuerto Internacional di Martinique, Aeropuerto internacional di Rep. Dominicana, Aeropuerto Gustare III di St Barths. Por lesa e relato completo aki.