Patrick Groters ta gana su di dos medaya di oro na Weganan Panamericano Junior 2021

CALI – Diamars anochi e landador di Aruba Patrick Groters a logra gana su di dos medaya di oro pa Aruba na  Weganan Panamericano Junior 2021 na Cali Colombia, cu ta pone cu e tin awor na tur, tres medaya. Ayera natacion su participacion den Weganan Panamericano Junior a termina y Groters no por a sera esaki den mihor forma pa e delegacion di Aruba. Despues di clasifica mainta pa Final A cu un tempo di 02:03.93 y estableciendo un record den e 200m IM pa Weganan Panamericano Junior, awenochi Patrick a drenta piscina na lane 4.  

CON E LA LANDA

Patrick a inicia e prome 50m butterfly cu 0.07 seconde di diferencia cu Guatemala na momento di e 'keerpunt'. Despues di esaki Patrick ta logra tuma un ventaha comodo den e siguiente 100m cu tabata ensera 50m lomba y 50m pecho. Despues den e siguiente 50m freestyle, Patrick a indica cu a sinti e cansancio y por a tuma nota Guatemala yegando mas cerca pero no suficiente pa kita e medaya di oro for di Patrick Groters. Terminando na di prome lugar cu un tempo di 2:02.09 y estableciendo record nobo den 200m IM den Weganan Panamericano Junior 2021. 

LISTA DI MEDAYA

Cu e actuacion aki di Patrick Groters, Aruba ta logra termina na di 5 lugar di 14 pais cu a gana medaya. Un logro sigur historico pa nos isla cu tres medaya, dos di oro y uno di silver.NOTA: Colaboracion di texto y potret ta cortesia di COA.