ATIA: Reforma mester inclui strategia pa baha gasto tambe

ATIA: Reforma mester inclui strategia pa baha gasto tambe

Posted on 11/29/2021 7:34 pm AST | Updated on 11/29/2021 7:36 pm AST

ORANJESTAD - Aruba Trade & Industry Association (ATIA) tin hopi aña ta advoca pa un reforma fiscal. Den su carta di April 2020, ATIA a informa Gobierno di su posicion favorabel encuanto reforma pa un sistema di VAT (BTW). Pa implementa un reforma di BTW, diferente otro impuesto mester wordo reduci of completamente elimina, pero tambe mester subi e eficiencia di DIMP y pa un reforma ta completo tambe mester analisa y baha gastonan. 

Conforme e agenda di ehecucion di e Landspakket, Gobierno di Aruba a determina su escogencia, riba 15 di November 2021, pa bai cu un sistema di BTW cu lo reemplasa e sistema actual di BBO. ATIA conhuntamente cu KvK y otro gremionan comercial a manda un carta pa Minister di Finansa y Cultura, Xiomara Maduro, indicando cu nos kier mas inclusion den e proceso di evaluacion y escogencia di e sistema di impuesto nobo. 

Den un reunion cu Minister y Directora di Departamento di Impuesto (DIMP), tur e gremionan incluso ATIA a expresa nos desapunto con e trayecto di escogencia a bai y a urgi pa nos por tin mas participacion si den e trayecto di preparacion pa implementacion di e sistema nobo y asina por aporta cu sugerencia y recomendacionnan practico. Minister Maduro y Directora di DIMP a confirma cu e gremionan, y otro stakeholders, lo wordo inclui mas den e di dos fase di e desaroyo pa cu reforma di e ley fiscal.

Un sistema di BTW ta uno cu lo genera placa pa caha di gobierno si e wordo implementa na un manera corecto. BTW ta un impuesto indirecto cu mas simpel e ta, mas efectivo e lo ta. Minister a duna algun informacion en general na e gremionan presente, pero Gobierno mes lo informa pueblo den su debido tempo.  E pregunta cardinal, kico e tarifa lo ta? Tin hopi speculacion ariba e tarifa den mercado, pero nos di ATIA lo comenta ariba e tarifa ora e wordo anuncia oficialmente. 

ATIA semper a enfatisa na Minister cu un reforma no kiermen cu ta busca manera pa genera entrada pa caha di Gobierno, pero cu un reforma total ta inclui un reduccion di gasto tambe y pa asina yega na un posicion financiero stabiel y duradero. Den landspakket, den diferente di e puntonan, ta wordo indica cu gobierno mester baha gasto, incluyendo gastonan di salario. Gobierno su focus awor ta pa baha e gasto di e interes di tur e fianzanan cu gobierno tin, cu ATIA ta aplaudi, pero ATIA ta keda enfatisa cu mester baha e gasto di full e aparato Gubernamental. Mescos companianan a haci den temporada di pandemia pa cambia strategia y traha den un manera mas eficiente y efectivo. 

ATIA lo keda monitoria activamente tur e reforma nan cu Gobierno lo implementa. ATIA ta keda boga pa haya mas inclusion den e trayectoria completo di e plan di ehecutacion di Landspakket, pa asina por colabora pa haci e proceso mas efectivo y implementa e reformanan den un manera corecto.

  • British Airways lo cuminsa bula pa Aruba maart 2023

    British Airways lo cuminsa bula pa Aruba maart 2023

    LONDON – E aeroliña Britanico British Airways a anuncia awe cu e lo cuminsa bula pa Aruba pa prome biaha, entrante zomer di 2023. Banda di Aruba, e lo bula tambe pa Georgetown, Guyana. E intencion ta pa e bula dos biaha pa siman, diahuebs y diadomingo entrante 26 d maartt 2023 y lo haci esaki for di e aeropuerto di Gatwick. Ta prome biaha cu e aeroliña ta pone Aruba riba su netwerk di destinacion. Noticiacla a compronde cu diahuebs awor aeropuerto lo tene un conferencia di prensa pa anuncia esaki. Minister Dangui Oduber tambe a haci un anuncio chikito riba su pagina di Facebook diaranson atardi. Ultimo biaha cu un avion di British Airways a bula pa Aruba tabata 35 aña pasa ora cu e avion tipo Concord a yega y a keda un solo dia, pero no a bin como un buelo comercial programa. 

  • AHATA: Ocupacion y RevPAR ta recuperando pero averahe 2022 ta menos cu 2019

    AHATA: Ocupacion y RevPAR ta recuperando pero averahe 2022 ta menos cu 2019

    ORANJESTAD -  Aruba Hotel & Tourism Association (AHATA)  ta acumula e cifranan di ocupacion y prijs di hotelnan tur luna, y CEO di AHATA, Tisa LaSorte, ta raporta cu grado di ocupacion y balor averahe di cada camber ta sigui recupera na Juli. Sinembargo, e averahe di prome 7 luna di 2022 ainda no a yega nivel di 2019. 

  • LaSorte: BTW cu tarifa halto ta desastroso pa inflacion di Aruba

    LaSorte: BTW cu tarifa halto ta desastroso pa inflacion di Aruba

    ORANJESTAD – Un BTW (Belasting over de Toegevoegde Waarde, of impuesto riba e balor agrega di un producto) di 14% of 18% ta desastroso riba inflacion pa Aruba. Asina CEO di Aruba Hotel & Tourism Association (AHATA) Tisa LaSorte a pone riba su pagina di Facebook, como un comentario personal. Pero un comentario pa noticiacla diaranson, a confirma cu e ta mes momento tambe e pensamento colectivo di AHATA tambe. Asina LaSorte a confirma pa e portal aki. Segun LaSorte, e hecho aki lo ta desastroso pa Aruba pasobra e inflacion ‘ta enorme caba’. Esaki ta entre 7 pa 8% actualmente segun minister di Economia Geoffrey Wever. 

  • DIMP: A paga casi 15 miyon na restitucion di impuesto den prome mitad di 2022

    DIMP: A paga casi 15 miyon na restitucion di impuesto den prome mitad di 2022

    ORANJESTAD – E trabounan na Departamento di Impuesto ta sigui avansa cu pasonan firme y sigur, pa asina por cumpli cu tur e contribuyentenan cu ta cumpliendo debidamente cu nan responsabilidad di impuesto. Den e prome mita di aña 2022 a paga un total di 14.2 miyon florin na restitucion na e contribuyentenan riba tereno di inkomstenbelasting.  

  • A.T.A. a midi e percepcion cu residentenan tin di turismo

    A.T.A. a midi e percepcion cu residentenan tin di turismo

    ORANJESTAD - Den luna di mei y juni A.T.A. a haci un encuesta pa asina haya sa ki percepcion residentenan di Aruba tin di turismo- tanto positivo como negativo, enfocando riba e aspectonan di desaroyo economico y desaroyo social. E encuesta aki tawata basa riba preguntanan cu a wordo haci na residentenan na 2018 den un encuesta similar. Originalmente, e preguntanan aki a wordo uza pa un encuesta haci na residentenan di Hawaii encuanto nan percepcion di turismo.  

  • ATA: Na July 2022 Aruba a recupera 105% di locual a wordo ricibi na juli 2019

    ATA: Na July 2022 Aruba a recupera 105% di locual a wordo ricibi na juli 2019

    ORANJESTAD - Oficina di Turismo, A.T.A. a informa cu pa luna di juli nos destinacion a ricibi un total di 109,006 bishitante “stay-over”. Si compara luna di juli 2022 cu juli 2019 - cu tabata e ultimo aña normal di turismo, por mira cu Aruba a recupera 105% di locual a wordo ricibi na juli 2019. Esaki mientras cu luna pasa ATA a raporta cu esaki tabata 103%  Segun ATA, na 2015 Aruba a experencia e miho juli den su historia, ricibiendo 109,251 bishitante “stayover”. Ta bunita pa wak cu juli 2022, saliendo di pandemia Aruba a wak su di 2 miho juli.

  • Powered by SETAR