Aruba ta scirbi historia ganando medaya di Oro na Panam Youth Games Cali 2021

Aruba ta scirbi historia ganando medaya di Oro na Panam Youth Games Cali 2021

Posted on 11/28/2021 8:59 am AST | Updated on 11/28/2021 8:59 am AST

CALI – Aruba a scirbi historia diasabra anochi ora cu e landado Patrick Groters a logra e prome medaya di oro den e Panam Youth Games Cali 2021 diasabra anochi den e disciplina di backstroke. Su tempo registra tabata 2:01:78 cu ta un record nobo tanto pa e weganan na Cali como pa Aruba. Bunita tabata ora cu Patrick a ricibi su medaya, den e ceremonia, e VP di IOC Nicole Hoevertsz y e mama di Patrick, Maureen Croes no por a contene nan emocionan. Na final (potret cortesia di Comitee Olimpico di Aruba) e tata Ronald y ruman Jordy ta pose cu Patrick cu su medaya. Prome minister di Aruba Evelyn Wever Croes tambe a manda su mensahe di felicitacion riba su pagina di Facebook. Noticiacla ta felicita Patrick Groters cu e logro grandi y bunita pa Aruba. 

 

  • Seleccion U15 di Aruba a bolbe Aruba como subcampeon 2022 Concacaf Girls Under 15 Championship

    Seleccion U15 di Aruba a bolbe Aruba como subcampeon 2022 Concacaf Girls Under 15 Championship

    ORANJESTAD – Dialuna merdia e seleccion Girls U15 a bolbe Aruba cu titulo di subcampeon despues di a cay venci den e gran final contra di Nicaragua den e 2022 Concacaf Girls Under 15 Championship na Tampa, Florida. Un logro sigur historico pa e damitanan aki cu a duna tur cu tin y yega te final y pone nomber di Aruba na halto.  Potret cortesia 297 Sports. 

  • Xander Bogaerts invita toch como reserva den All Star Game di MLB

    Xander Bogaerts invita toch como reserva den All Star Game di MLB

    BOSTON — E pelotero professional di Aruba Xander Bogaerts a keda invita pa forma parti di e proximo wega di Estrella di baseball Grandes Ligas, cu lo bira su di 4 aparicion. Inicialmente e no a keda scohi pa votacion pa forma parti di e seleccion inicial, pero despues a wordo invita como reserve. Esey ta nifica cu e tin chens di hunga toch den e wega. Di tur forma, esnan cu keda selecta for di comienso, ta hunga apenas algun inning, pues dunando chens a otronan. Den pasado ora cu a vota pe forma parti, e la hunga si for di comienso, pero apenas algun inning. Esaki ta e di dos biaha cu e ta drenta como reserva ya cu na 2019 e tabata reserve tambe. Y dos biaha e la drenta via votacion (2016 y 2021). Actualmente e ta di 10 di MLB cu .309 den average di bateo. Den 81 wega e tin 21 doblete, 7 homerun, y 35 careda impulse y 49 careda marca. Cu e entrada aki, Bogaerts ta join colega Rafael Devers cu si a drenta cu votacion e aña aki. E All Star game ta tuma lugar otro siman diamars dia 19 di juli na Dodgers Stadium na Los Angeles.

  • Aruba ta cay venci e biaha aki pa Guatemala 2-1 den wega Sub20 pa mundial

    Aruba ta cay venci e biaha aki pa Guatemala 2-1 den wega Sub20 pa mundial

    TEGUCIGALPA – E seleccion di futbol di Aruba sub20 a perde otro wega internacional, e biaha aki contra Guatemala cu e score di 2-1. E wega a cuminsa cu dominio di wega pa parti di Guatemala. Asina mes Aruba tabata prome pa habri e wega cu e prome gol di Evander Nedd den e prome 14 minuut. Guatemala a reacciona lihe y despues di 4 minuut  Arquímedes Ordóñez a hinca un gol.  Den di e dos tempo Allan Juárez a skop un bala cu e portero Erasmus no por a wanta. Cu e resultado aki, Guatemala ta logra 6 punto den grupo G y ta sigura su clasificacion pa cu e octavo di final pa premundial.  

  • Aruba ta cay venci atrobe na Honduras, e biaha aki contra El Salvador

    Aruba ta cay venci atrobe na Honduras, e biaha aki contra El Salvador

    TEGUCIGALPA – Despues cu Aruba a wordo golea pa Panama algun dia prome cu score di 5-0, Aruba un biaha mas a cay venci pero e biaha aki door di El Salvador cu score di 4-1. E wega a tuma lugar diamars atardi na Honduras, unda cu e hungadornan Jonathan Esquivel, y Eduardo Rives a hinca un gol cada un y Javier Mariona a hinca 2. Pa Aruba Terrick Monsanto a hinca e unico gol. 

  • Denzel Dumfries: Si bo kere den bo mes y bo sa kico bo kier tur cos ta posibel

    Denzel Dumfries: Si bo kere den bo mes y bo sa kico bo kier tur cos ta posibel

    ORANJESTAD - Diabierna 17 di juni na ocasion di apertura di Weganan Escolar 2022, WE Aruba, e futbolista profesional di e.o. seleccion nacional di futbol Hulandes, Denzel Dumfries tabata na Aruba y a hiba palabra na tur muchanan presente y desea nan exito durante e weganan escolar. 

  • Panama ta golea Aruba 5-0 na Honduras den eliminatorio mundial Concacaf Sub20

    Panama ta golea Aruba 5-0 na Honduras den eliminatorio mundial Concacaf Sub20

    TEGUCIGALPA – E seleccion di futbol Sub20 di Panama a golea e seleccion di Aruba 5-0 den fin di siman na Honduras. Esaki ta e weganan eliminatorio di Concacaf pa e mundial Sub 20 cu ta tuma lugar na 2023 na Indonesia. E seleccion di Panama, dirigi pa e technico Venezolano Ángel Sánchez Mazana a domina e wega for di comienso. E hungador Javier Betegón a hinca e prome gol apenas 7 minuut despues di inicio di e partido, y despues 31 minuut su di dos. Kevin Garrido a hinca un di tres goal na di 42 minuut , Leonel Tejada na di 59 y Carlos Rivera a hinca e ultimo na e di 64 minuut.  

  • Powered by SETAR