RIVM: Variante nobo Omicron ta presente na Hulanda caba !

Posted on 11/28/2021 8:30 am AST | Updated on 11/28/2021 8:32 am AST

DEN HAAG – Un total di 13 biahero cu a yega Hulanda diabierna for di Sur Africa, a test positivo pa e variante di preocupacion nobo Omicron. Asina RIVM na Hulanda a confirma diadomingo merdia ora di Hulanda. Esey kier men cu e variante oficialmente a haci su presencia na Hulanda apenas algun dia cu WHO a detecta y raporta riba e variante aki diabierna. E grupo cu a test positivo ta parti di un grupo mas grandi di 61 persona cu a test positivo pa Covid19. Tur ta den isolacion for di diabierna caba. No ta descarta cu tin mas caso segun RIVM. E variante nobo aki ta origina for di Sur Africa y a plama den varios pais caba manera Belgica, Alemania y Israel. E problema cu e variante aki ta cu e ta mas contagioso y posibelmente por ‘evadi’ e vacunanan actual mundial. 

 

  • Hulanda mester a bolbe desmenti reapertura di frontera cu Venezuela

    Hulanda mester a bolbe desmenti reapertura di frontera cu Venezuela

    CARACAS – Embahada di Hulanda na Caracas un biaha mas a desmenti cu lo tin apertura di e frontera entre Venezuela y islanan ABC. Tabata diaranson mainta cu prensa Venezolano, basando nan mes riba un declaracion di director di turismo di Corsou na Caracas, a relata cu Rey di Hulanda lo a bisa cu falta solamente aprobacion di Venezuela pa habri e frontera bek. Pero e embahada a manda un tweet via e twitter account desmintiendo esaki. A sigura cu no tabatin cambio den e politica al respecto y cu e frontera lo keda cera te ora cu tin un decision diferente. “Cualkier anuncio lo wordo anuncia oportunamente y atravez di e canalnan oficial” e embahada a sigui bisa. Luna pasa caba tabatin un situacion asina unda cu informacion erroneo a keda publica de medionan Venezolano, pa cual mester a interveni y desmenti esaki. 

  • Di dos grupo di studiantenan di Aruba a yega Hulanda tambe

    Di dos grupo di studiantenan di Aruba a yega Hulanda tambe

    DEN HAAG  – Cu vuelo 769  di KLM a yega awe 3 di augustus un cantidad di 62 studiante Arubano pa sigi un estudio avansa na nivel di HBO of Universidad na Hulanda. Esaki ta e di dos y ultimo vuelo cu studiante cu ta yega Hulanda. Ta trata aki di studiantenan cu ta bai studia na Utrecht, Amsterdam, Breda, Tilburg, Den Haag, Delft y Leiden.

  • Prome grupo di beursalen di Aruba a yega Hulanda diamars mainta

    Prome grupo di beursalen di Aruba a yega Hulanda diamars mainta

    SCHIPHOL – E prome grupo di beursalen, un total di 81 studiante, procedente di Aruba a yega Hulanda diamars mainta, y a keda ricibi pa e delegacion di ArubaHuis, y tambe prome minister di Aruba Evelyn Wever Croes. E grupo di studiante mesora a keda dirigi pa nan respectivo representante di e area estudiantil, unda cu nan lo a haya e informacion necesario. Di eynan lo a sigui cu bus pa nan uni y despues di algun dia mobilisa pa nan ciudad estudiantil. Awe e di dos grupo di buersalen tambe ta sali rumbo pa Hulanda. 

  • Di 6 sospechoso deteni pa asesinato di periodista Peter R. de Vries

    Di 6 sospechoso deteni pa asesinato di periodista Peter R. de Vries

    HELMOND – Polis Hulandes a detene un di 6 sospechoso pa asesinato di Peter R. De Vries diaranson. Ta trata di un yiu di Corsou di 27 aña deteni na un cas na Helmond. Segun Ministerio Publico, e homber lo tabata parti di un pandiya cu pa hopi placa, tabata usa violencia riba peticion,. E ta deteni cu ta nifica cu e por tin contacto solamente cu su abogado.  

  • Premier Wever Croes a reuni cu CAFt na Hulanda riba tema di aanwijzing

    Premier Wever Croes a reuni cu CAFt na Hulanda riba tema di aanwijzing

    ORANJESTAD - Siman pasa Prome Minister Evelyn Wever - Croes a biaha pa Hulanda. E prome reunion cu a atende tabata cu Secretario di Estado Alexandra van Huffelen tocante e pago di 5% bek na empleadonan publico. A pesar cu no a logra convence Hulanda pa e pago por tuma luga, Gobierno a cumpli cu e promesa haci na empleadonan publico y a paga e 5%.

  • A cuminsa vacuna hende na Hulanda pa bruela di macaco

       A cuminsa vacuna hende na Hulanda pa bruela di macaco

    AMSTERDAM – A cuminsa vacuna contra bruela di macaco na Hulanda y a manda e prome invitacion pa esaki. Particularmente a inicia na Amsterdam y Den Haag. A manda invitacion pa 32 mil persona mientrastanto. Esnan cu ta haya invitacion ta esnan di riesgo halto. TA trata di hendenan cu ta registra como usuario di e pldora pa preveni HIV PrEP.  

  • Powered by SETAR