Truck ta reverse y press homber contra muraya

ORANJESTAD - Diamars pa mas o menos 5'or y mey di atardi, algun persona ta para un patruya di polis na Balashi y nan ta bisa nan cu na un deposito eybanda tin un homber seriamente herida. Mesora polis ta bay na e deposito y enberdad ta topa cu un cabayero seriamente herida. Na e sitio nan ta bin compronde cu e cabayero aki tabata para na un muraya unda e trucknan ta para pa baha y entrega carga. Na momento cu e truck a bay reverse, e chauffeur di e truck no mira e cabayero para patras na e muraya y a press e contra e muraya. Mesora polis ta pidi pa un ambulance bin cu urgencia na e sitio. Na yegada personal di ambulance hopi lihe a prepara e cabayero, y cu hopi urgencia a transporte pa hospital. Aparentemente e cabayero tin 24 aña di edad y ta di Republica Dominicana, no tin niun famia na Aruba y tampoco AZV. Muy probablemente e la fractura su heup y por tin daño serio na su riñon. Na hospital tabata tin un team di ciruhano pa cuminsa cu e operacionnan necesario.