Parada popular di Thanksgiving di Macy’s ta bek e aña aki

NEW YORK – E di 95 parada annual di Thanksgiving na New York, e Macy’s Thanksgiving Day Parade e aña aki a bolbe despues cu aña pasa debi na e pandemia, no a pasa ‘en vivo’.  E biaha aki tabatin publico invita, y tur e balonnan gigante di custumber incluyendo Santa Claus. Esaki ta e dia mas popular di Merca unda cu ta enfoca riba union familiar. E ta bira mes momento tambe e siman unda cu mas hopi Mericano ta biaha, sea di forma terestre of aereo pa bishita nan famia. Y e tradicion comercial ta sigui un dia despues unda cu negoshinan ta prepara bentanan spectacular riba e diabierna despues di Thanksgiving, yama popularmente “Black Friday”.