Atletanan di Aruba entrenando pa Weganan Panamericano Junior cu ta cuminsa diabierna na Cali

CALI – Entrenamento di nos atletanan na Cali a continua no obstante mal tempo, prome cu e apertura di e Weganan Panamericano Junior cu ta cuminsa diabierna awor. Manera a bisa, natacion ta un di e disciplinanan cual entrenamento a continua apesar di mal tempo cu a cancela ceremonia di bandera

Diaranson atardi un mal tempo a apodera di e ciudad di Cali cu a pone cu e organisadornan di e Ceremonia di Bandera mester a cancela esaki debi na un gran cantidad di yobida. Apesar di esaki, e entrenamento di natacion a continua. 

Tur cuatro atleta hunto cu nan coach a hasi nan penultimo training y awe mainta lo completa e ultimo ronda di training p'asina inicia mañan cu e prome dia di competencia. 

Si tur cos ta bon awenochi lo ta tumando lugar e Apertura oficial di Weganan Panamericano Junior Cali, 2021. NOTA: Potretnan cortesia di COA Aruba.