KPA: Recherche ta ricibiendo hopi keho encuanto ‘blackmail’

MACUARIMA -  Cuerpo Policial diahuebs a avisa tur hende cu tin diferente keho ta drentando na diferente departamento di recherche door di personanan cu ta wordo aserca via messenger of whatsapp y nan ta bai den un conversacion poco intimo cu nan. E ta bai asina leu pa convence nan ‘victima’ pa mustra nan parti intimo of t’e asta manda video (filma) di nan parti intimonan.

VIDEO

Tambe nan por traha video mientras cu nan ta papiando via video call.  Esaki ta caminda cu e ‘vicitima’ no tin control di kiko ta wordo filma.

BLACKMAIL

Tin momentanan cu e cara di e ‘victima’ tambe ta aperece. E otro partido e ora ey ta uza e portret of video pa cuminsa ‘blackmail’ e victimanan.

PLACA

Via e mesun social media ta cuminsa pidi plaka y sino cumpli cu e peticion ta pone e videonan intimo riba internet pa tur hende mira.

NO TIN BERGUENSA

Ta pidi na e personan (victima) cu a cay den trampa caba pa no tin berguensa y bin dilanti. Por acudi na e departamento di recherche di nan respectivo districto y haci e denuncia.