Aruba no ta riba agenda di RMR diabierna awor, pues nada di ayudo

DEN HAAG/ORANJESTAD – Aruba no ta riba agenda di Rijks Minister Raad (RMR) di diabierna awor. Esaki a keda confirma door di ministerio di BZK (Binnenlandse Zaken & Koninkrijks Relaties) na noticiacla diaranson merdia. Esey ta nifica cu no tin decision ainda riba e sosten di likides, y tampoco riba e decision si Hulanda ta bay di acuerdo cu e sugerencia di Aruba pa reduci e recorte di salario na mitar, esta te na 6.2%, enves di 12.6%. Premier Evelyn Wever a indica caba recientemente cu lo ta mas probable cu Aruba lo ta riba agenda te e ultimo RMR cu ta 17 di December proximo