Brown: SMAC ta anuncia cu ta cancela e Jump Start Ball

Brown: SMAC ta anuncia cu ta cancela e Jump Start Ball

Posted on 11/24/2021 3:36 pm AST | Updated on 11/24/2021 3:39 pm AST

ORANJESTAD – E organisacion cu ta responsabel pa organisa Carnaval na Aruba,SMAC, a informa informa comunidad di Aruba diaranson merdia y e pueblo carnavalesco en particular cu e Jump Start Ball cu tabata programa pa Diasabra 27 di November 2021 di 9 pm pa 2 am den e prestiogo Ballroom di Marriott Hotel Aruba ta ser cancela. No ta prome biaha cu a pospone esaki, ya cu e fecha inicial pa tene e evento, tabata 13 di november. Despues a anuncia cu e fecha nobo lo tabata e diasabra aki dia 27 di november. Awor ta premira cu esaki por bira te otro aña januari. 

SITUACION DI COVID19

“ Mirando e situacion actual di COVID-19 y apesar di a haya green light di Crisitteam y DVG pa organisa e fiesta aki, directiva di SMAC ta di opinion cu no ta e miho momento pa organisa e actividad aki. Lo anuncia e fecha nobo di e fiesta aki despues. Tur esnan cu a cumpra ticket por tuma contacto cu number 593- 0088 pa di e forma aki por haya nan placa bek. Pa esaki mester entrega e ticket cu a cumpra bek” Jason Brown President di SMAC a finalisa bisando. 

  • Encuesta di noticiacla cu resultado interesante riba recorte di salario 12.6%

    Encuesta di noticiacla cu resultado interesante riba recorte di salario 12.6%

    ORANJESTAD – Tin un division entre trahadonan di sector publico na Aruba cu a participa na e reciente encuesta di NOTICIACLA, riba e recorte salarial di 12.6%. Siman pasa NOTICIACLA a presenta un encuesta basa riba e tema aki, y a resulta cu di esnan cu a participa, 46% kier pa gobierno continua cu e recorte, mientras cu 54% kier pa gobierno para cu esaki mesora. Ademas, di esnan cu a perde trabou debi na e pandemia, 48% ainda ta sin trabou. Un total di 347 persona a participa na e encuesta digital aki. 

  • WVI: Ta basta! Termina e retencion di 12.6% per direct

    WVI: Ta basta! Termina e retencion di 12.6% per direct

    ORANJESTAD – E directiva general di VWI-Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V. VWI su miembronan a laga sadialuna, den un forma ‘cla y raspa’ cu nan ta cansa y fada di e abuso di recorte salarial di 12.6%. Den un comunicado nan mensahe tabata cla, y no a aprecia e contesta di gobierno den fin di siman riba e tema. 

  • Aruba a registra 18 caso positivo nobo di Covid19

    Aruba a registra 18 caso positivo nobo di Covid19

    ORANJESTAD - Segun resumen di awe  21 persona a recupera y un total di 18 caso nobo di COVID-19 a keda registra di cual 10 ta no-residente. E cifranan aki ta representa un 'Positivity rate' bou di nos residentenan di 15%. E cantidad di casonan activo di COVID-19 pa awe ta 181 y cantidad di fayecidonan relaciona cu COVID-19 ta 174. Datos ta ilustra casonan nobo di COVID cu un average semanal di 18 caso pa dia y un averahe di 'positivity rate' semanal di 11% pa dia.  Actualmente na Aruba tin 7 persona interna debi na COVID di cual den ICU tin 4 persona y riba piso general tin 3. Na Colombia tin actualmente 9 persona den  ICU y 3 riba piso general.

  • Sindicatonan ta reuni dialuna mainta pa dicidi siguiente paso

    Sindicatonan ta reuni dialuna mainta pa dicidi siguiente paso

    ORANJESTAD – E bloke di entre 12 pa 15 sindicatonan bringando pa gobierno para e recorte salarial di 12.6% ta reuni dialuna mainta pa dicidi nan proximo paso. Asina presidente di sindidato SIMAR Josephine Albertus a bisa noticiacla diadomingo. Nan a ricibi e contesta di gobierno di Aruba diabierna y awor ta dicidi kico ta pasa dialuna mainta. Mientrastanto e sindicato SIMAR mes a yama un reunion cu tur nan miembro y no miembro pa diamars mainta tempran na SIMAR pa papia riba e tema. No ta descarta un paro nacional sea e siman aki of otro siman si gobierno no para e recorte. Gobierno a bisa cu esey no ta un opcion, pues palabra awor ta keda na sindicatonan. Gobierno, anticipando e siguiente paso, a urgi sindicatonan pa no bay den una paro nacional sino pa reconsidera nan punto. 

  • No lubida di participa na encuesta di noticiacla riba situacion laboral na Aruba relaciona cu pandemia

    No lubida di participa na encuesta di noticiacla riba situacion laboral na Aruba relaciona cu pandemia

    ORANJESTAD – No lubida di participa na encuesta di noticiacla riba situacion laboral na Aruba relaciona cu pandemia. Manera nos a raporta caba e siman aki, mientras cu Aruba ta sigui afecta pa e pandemia di Covid19, nos situacion laboral no ta diferente. Mes momento nos ta conciente cu esaki por ta diferente sinembargo pa hopi hende, dependiendo di bo trabou, sector laboral y situacion personal. Noticiacla pa medio di e siguiente encuesta ta interesa con bo situacion actual ta, sea ta como un trahado di sector publico of priva. Manera semper, e resultado lo wordo usa pa metanan netamente noticioso. Bo participacion ta wordo aprecia manera semper. Despues di algun dia di encuesta, e resultado lo keda presenta den un edicion di noticiacla. Esaki ta un encuesta solamente pa personanan residencia na Aruba di 18 aña pariba. No lubida di participa y pa haci esey, djis click AKI.

  • AHATA Excellence Awards a honra 38 empleado sobresaliente pa nan dedicacion

    AHATA Excellence Awards a honra 38 empleado sobresaliente pa nan dedicacion

    ORANJESTAD - Durante un evento elegante atendi pa 150 persona, Aruba Hotel & Tourism Association a celebra e empleadonan altamente motiva cu ta sostene nos industria di turismo. Cada compania miembro a selecciona un empleado cu a personifica esfuerso extraordinario y servicio excelente den 2021. Trintiocho (38) persona a ricibi nan certificado y un premio di CEO y Presidente di AHATA, Tisa LaSorte, durante e evento. Minister di Turismo y Salubridad Publico, Mr. Dangui Oduber, Minister di Labor y Integracion, Mr. Glenbert Croes, Hunta di AHATA, y coleganan tabata presente na Hyatt Regency Aruba pa gradici y felicita e honradonan. 

  • Powered by SETAR