Caso di maltrato di grupo di cacho di seguridad, na Dakota

ORANJESTAD - Diamars mainta bario Regisseur hunto cu un patruya di polis ta bay na un cas den Rondweg, pa atende cu un problema di cacho, na un cas un poco pabou di ex Arugas, unda ta warda cachonan cu lo ta wordo usa pa cuida companianan, schoolnan etc anochi. Na yegada nan ta bin topa cu masha hopi cacho hinka den haulanan y den un situacion no hygienico, aparentemente mal nutrui, ora nan ta sigui wak nan ta topa cu dos cacho grandi di e rasa Rottweiler morto den nan haula. Aparentemente e riolering lo a verstop y awa sushi tabata keda para den e haulanan. Si algo no wordo hasi hopi liher, mas cacho lo fayese. Dos cabayero cu tabata presente cu tabata encarga cu e cachonan a splica cu e donjo lo yega awe for di exterior. Un multa sigur a cay pa motibo cu no ta cumpli cu loke e ley di cacho ta prescribi, cu e cachonan mester haya suficiente cuminda di bon calidad. cachonan mester tin suficiente awa di bebe y di bon calidad. Cacho malo mester wordo trata pa un veterinario. No ta conoci si e cachonan aki a wordo hiba for di e lugar aki of ta warda e donjo bin pa atende cunan. Ta trata di varios cacho di rasa, manera Rottweiler y Herdershond.