Tres homber haya culpable di asesinato di Ahmaud Arbery

BRUNSWICK – Tres homber blanco a wordo haya culpable di asesinato di un homber di color, Ahmaud Arbery aña pasa den e estado di Georgia. Un caso cu a conmovi henter Merca, debi na e asunto di rasa. Un cuerpo di hurado consistiendo di solamente hende blanco, a haya Travis y Gregory McMichael y William Bryan. E tres culpabelnan a persigui Arbery den nan pickup ora cu nan a wak e den nan besindario. Tabata Travis McMichael cu a tira Arbery (25) cu un shotgun, di acerca, y Bryan a filma henter e tragedia riba su cellular.