Sarpa ta cuminsa bula comercialmente entre Aruba y Colombia na januari 2022

Sarpa ta cuminsa bula comercialmente entre Aruba y Colombia na januari 2022

Posted on 11/24/2021 3:07 pm AST | Updated on 11/24/2021 3:10 pm AST

ORANJESTAD – Despues di 18 aña bulando como air ambulance entre e islanan ABC y Colombia, e aerolinea Sarpa awor por brinda servicio comercial regular entrante 2 di januari 2022 conectando e islanan ABC cu Medellin y Baranquilla y despues tambe Cali. E presidente CEO di e aerolinea sr Carlos Mesa tabata contento di por a haci e anuncio awe durante un conferencia di prensa pa presenta Sarpa awor como un aeroliña comercial regular tambe, fuera di e servicio di charter y ambulance flight. E tarifa cu a menciona di introduccion ta 250 dollar incluyendo impuesto roundtrip pa ambos destinacion, usando jetnan cu ta carga 50 pasahero.   

  • Powered by SETAR