CMB ta hopi orguyoso di por a contribui na di cuater edicion di Diabetes Walk Run

Posted on 11/24/2021 2:50 pm AST | Updated on 11/24/2021 2:51 pm AST

(ADVERTORIAL)

ORANJESTAD -  Botica di Servicio a organisa nan di cuater Diabetes Walk & Run riba 14 di November, oficialmente conoci manera Dia Mundial di Diabetes, un oportunidad pa haci algo activo y saludabel pa comunidad y para keto un rato riba e tema di Diabetes. E aña aki e evento tabata tin un acogida bastante grandi.

CMB ta hopi contento y orguyoso di por a contribui y participa un bes mas den e tremendo evento aki. Diabetes ta un malesa cu desafortunadamente ta presenta su mes na Aruba den cantidadnan relativamente halto. Si nos mira e cifranan di aña pasa cu IDF [Federacion Internacional di Diabetes] a presenta, a calcula esaki na 15% di e poblacion incluyendo esnan cu por ta no ta diagnostica ainda. 

Sr. DeWolfe, Director General di CMB ta menciona cu tabatin mas o menos 1,000 participante e aña aki pa e di cuater edicion di CMB Diabetes Run Walk, “cual ta algo absolutamente fantastico,” Sr. DeWolfe ta expresa. CMB ta hopi orguyoso di por ta forma parti di dje, gradiciendo tur sponsor y mas importante tur e participantenan cu a contribui na un bon causa. 

Pa CMB, ta semper importante pa contribui y duna bek na comunidad. Responsabilidad corporativo y social ta realmente un di e puntonan di enfoke di mas grandi di e banco, “y nos ta haya hopi importante di por ta akinan participando y formando parti di dje pa contribui na un causa hopi importante,” Sr. DeWolfe ta conclui. 

E categorianan a inclui un actividad di 10km, cual a sali 5:30am y bay te na The Cove Mall, cabado bek na Botica Eagle, un otro di 5km cual a bay te na Blue Residence y caba na Botica Eagle, y finalmente pa e muchanan tabata tin uno di 1.5km, 3km, 800m, 400m y 200m.

  • Bista Grafico di e Ceremonia di Clausura di e Weganan di Cali2021

    Bista Grafico di e Ceremonia di Clausura di e Weganan di Cali2021

    CALI - E Weganan di Cali2021 a termina diadomingo anochi cu un bunita ceremonia di clausura. Noticiacla ta presenta un bista Grafico di e Ceremonia di Clausura di e Weganan di Cali2021, cortesia di Comitee Olimpico di Aruba (COA). 

  • Ronde van Aruba awe nochi ta inicia su di 29 edicion

    Ronde van Aruba awe nochi ta inicia su di 29 edicion

    SAVANETA – Awe nochi 8’or ta ranca sali e di 29 edicion di e careda popular ‘Ronde van Aruba’ for di Mariniersk Kazerne na Savaneta. E evento ya a bira un concepto popular unda cu su popularidad ta mustra ora di inscripcion ora cu den un tempo record e ta ‘sold out’. E biaha aki tin 660 participante inscribe, reparti den varios grupo di estafete (151). E ruta ta cubri Aruba completo, y tin varios distancia disponible pa participa, variando di 18, 36 y 72 km. Mayoria di e participantenan ta compete den grupo di 3 of 4 y ta hacie di forma di estafette, osea di relevo. Debi na e reglanan di Covid19, no ta permiti publico presente, sino solamente participante. E competencia antes tabata conoci como un fiesta military, pero esaki awor a amplia y bira un fiesta local di Aruba. Asina mes tin yen di marinier ta compete, for di entre otro Korps Mariniers,  ARUMIL, CURMIL y Koninklijke Marechausee. Potret di archivo di noticiacla di e Ronde van Aruba. 

  • Patrick Groters ta gana su di dos medaya di oro na Weganan Panamericano Junior 2021

    Patrick Groters ta gana su di dos medaya di oro na  Weganan Panamericano Junior 2021

    CALI – Diamars anochi e landador di Aruba Patrick Groters a logra gana su di dos medaya di oro pa Aruba na  Weganan Panamericano Junior 2021 na Cali Colombia, cu ta pone cu e tin awor na tur, tres medaya. Ayera natacion su participacion den Weganan Panamericano Junior a termina y Groters no por a sera esaki den mihor forma pa e delegacion di Aruba. Despues di clasifica mainta pa Final A cu un tempo di 02:03.93 y estableciendo un record den e 200m IM pa Weganan Panamericano Junior, awenochi Patrick a drenta piscina na lane 4.  

  • Lionel Messi ta gana su di 7 ‘Ballon d’Or osea Bala di Oro

    Lionel Messi ta gana su di 7 ‘Ballon d’Or osea Bala di Oro

    PARIS – E futbolita professional Lionel Messi a gana su di 7 Bala di Oro, un di e premionan futbolistico mas cotidia internacionalmente, y otorga pa e revista Frances France Football. Temporada pasa Messi a bira topscorer di e competencia Spaño cu 30 goal, pero zomer pasa pa prome biaha e la gana su prome premio cu Argentina ora cu esaki a gana e Copa America. E di dos tabata Robert Lewandowski (Bayern München) y number tres  Jorginho (Chelsea). Aña pasa e premio, e Ballon d'Or no a keda otorga debi na e pandemia.  

  • Aruba ta scirbi historia ganando medaya di Oro na Panam Youth Games Cali 2021

    Aruba ta scirbi historia ganando medaya di Oro na Panam Youth Games Cali 2021

    CALI – Aruba a scirbi historia diasabra anochi ora cu e landado Patrick Groters a logra e prome medaya di oro den e Panam Youth Games Cali 2021 diasabra anochi den e disciplina di backstroke. Su tempo registra tabata 2:01:78 cu ta un record nobo tanto pa e weganan na Cali como pa Aruba. Bunita tabata ora cu Patrick a ricibi su medaya, den e ceremonia, e VP di IOC Nicole Hoevertsz y e mama di Patrick, Maureen Croes no por a contene nan emocionan. Na final (potret cortesia di Comitee Olimpico di Aruba) e tata Ronald y ruman Jordy ta pose cu Patrick cu su medaya. Prome minister di Aruba Evelyn Wever Croes tambe a manda su mensahe di felicitacion riba su pagina di Facebook. Noticiacla ta felicita Patrick Groters cu e logro grandi y bunita pa Aruba. 

  • Atletanan di Aruba entrenando pa Weganan Panamericano Junior cu ta cuminsa diabierna na Cali

    Atletanan di Aruba entrenando pa Weganan Panamericano Junior cu ta cuminsa diabierna na Cali

    CALI – Entrenamento di nos atletanan na Cali a continua no obstante mal tempo, prome cu e apertura di e Weganan Panamericano Junior cu ta cuminsa diabierna awor. Manera a bisa, natacion ta un di e disciplinanan cual entrenamento a continua apesar di mal tempo cu a cancela ceremonia di bandera

  • Powered by SETAR