Gabinete Hulandes ta adelanta conferencia di prensa debi na situacion di Covid19

DEN HAAG – E gabinete demisionario Hulandes ta adelanta nan conferencia di prensa riba e tema di Covid19 cu un siman, y ta tene esaki diabierna awor. Minister de Jonge a bisa cu despues di e reunion cu su coleganan, e bista ta mustra hopi preocupante. E Outbreak Management Team (OMT) ta reuni awe  y ta presenta nan conseho na e gabinete diahuebs. E ora diabierna e gabinete kier tuma e decisionan necesario y presenta nan despues den un conferencia di prensa. Entre otro ta papia di cera negoshinan mas tempran, y tambe cera scolnan pa 2 siman aunke cu e opcion ey ta hopi abou riba e lista.