Total di 88 Venezolano a keda deporta for di Aruba e siman aki

ORANJESTAD/ LAS PIEDRAS – Un total di 88 Venezolano a keda deporta e siman aki pa Venezuela for di Aruba. E aerolinea Laser a transporta nan den un buelo humanitario pa Punto Fijo diamars 23 di November den oranan di atardi. E informacion a keda confirma pa trahadonan di e aeropuerto internacional Josefa Camejo (Las Piedras). E avion a yega diamars atardi casi 7;or di anochi. Despues e avion a sigui pa Maiquetia, sin pasahero. Famianan di esnan deporta kier a topa cu nan, pero debi na restriccionan estricto di Covid19 esaki por a tuma lugar te casi mei anochi prome cu e pasaheronan a caba haci nan pruebanan di Covid19.