Setar ta expande TV Everywhere cu Setar Guide riba iPhone y Android

ORANJESTAD - Setar ta contento di anuncia cu e famia di TV Everywhere ta sigui expande. Awe ta lanza e servicio Setar Guide pa iPhone y Android. E servicio ta similar na TotalGuide xD cu ta obtenibel riba iPad awor.

Setar Guide ta un aplicacion cu ta laga bo comunica cu bo TV, sea na cas of unda cu bo ta. E aplicacion ta laga bo descubri mas di locual bo ta gusta wak riba TV y conecta sin fin cu bo programanan y actor/actriznan faborito. Bo por haya e programa cu bo kier wak, cambia canal via e aplicacion y programa grabacion riba bo DVR (Digital Video Recorder), tur esaki facilmente via bo iPhone of Android.

Algun di e “features” di Setar Guide ta:

TV Listings: lista di programacion completo riba tur canal di Cable pa e siguiente 14 dianan. Bo por filter sea pa faborito, HD, y mucho mas.

Controla bo TV: programa grabacion den caso cu bo tin un DVR na cas y tambe bo por cambia canal via e aplicacion.

Busca cualkier show, pelicula, celebridad pa haya informacion mas detaya di nan.

Personalisa e aplicacion a base di bo gusto, canal, show, pelicula, actor/actriz preferi pa asina por haya tur informacion hopi mas lihe.

Pa por graba of cambia canal mester conecta SETAR Guide cu bo box na cas. E box nan cu por conecta na SETAR Guide ta HD box y DVR, di cual DVR so tin e funcion di graba. Si no tin e boxnan aki, por toch haci uzo di e aplicacion pa haya tur informacion di programanan riba Cable. Por bishita www.setar.aw of yama 525-1700 pa mas informacion.