Deteni Atrobe!!

ORANJESTAD - Pa di dos biaha den un corto tempo, ciudadano Rocky Kelly a keda deteni diabierna, pa motibo di 'crea disturbio'. Ultimo biaha cu Kelly a cay sera, tabata despues cu e la sende algun artefacto manera tire, riba caminda dilanti edificio di Parlamento. Asina Kelly kier a mustra su malcontento pa cu e situacion actual na Aruba, y mas concreto ainda, e falta di democracia cu tin. Despues di e acto ey, Kelly a keda sera algun dia, y a haya prohibicion pa drenta Parlamento. Diabierna mainta e la bolbe comete un acto di 'disturbio' door di e biaha aki sende su propio auto na candela. E mes a entrega su mes despues y a wordo hiba warda di polis. NOTICIACLA a compronde cu motibo pa e acto di awe, tabata ora cu e la bin compronde cu e ta keda un persona 'nongrata' pa parlamento y consecuentemente no por presencia e reunion di comision central riba presupuesto. Foto cortesia www.arubariba.com