- Cabaynan Real Britanico a scapa y core pa loco den centro di Londen
- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
Minister Wever: Trahadonan di Setar lo haya mitar salaris extra como compensacion
ORANJESTAD – Trahadonan di Setar lo ricibi un tipo di bonus prome cu fin di anja, como compensacion pa nan bon prestacion den temponan hopi dificil di pandemia. Esaki sinembargo e mandatario ta sigura cu no tin di haber cu e recorte di salario di 12.6% di salario. E beneficio lo ta den forma di mitar salario pa cada trahado cu a presta bon trabou. Asina e minister encarga cu Setar mr. Geoffrey Wever a confirma diamars anochi den e programa Noticiacla LIVE cu periodista Tito Lacle. Pa un trahado bin na remarke, e mester a presta bon trabou, ya cu esaki ta un tipo di ‘performance bonus’, cu gerencia di Setar a bay di acuerdo cu ne despues di a reuni cu e minister dialuna atardi. Segun e mandatario, Setar por afford esaki ya cu segun e gerente di e compania, Setar tabatin un bon resultado e anja aki y tabatin te hasta ganashi. Como tal, nan por ‘afford’ pa duna e trahadonan cu a presta bon, esaki. Sinembargo no ta tur compania estatal of semi estatal ta haya esaki, ya cu e ta depende di e forza y prestacion di e compania.
CREA PRECENDENCIA
Riba pregunta di Lacle, si esaki no ta crea un precedencia y posibel rabia entre sindicatonan mirando cu algun compania si ta beneficia nan trahadonan y otronan no, e mandatario a sigura cu cada compania ta trata esaki a base diferente segun compania.Y cu esaki no ta crea un level playing field. E mandatario a bisa cu esaki no mester crea un friccion. “Den e caso aki tin un objectieve reden pa duna e tegemoet koming aki” e mandatario a bisa. “E ta depende di cada empresa nan situacion y board, con nan ta trata e topico aki” e mandatario a sigui bisa. Ademas ta depende di e posicion di e empresa. Y den e caso aki, segun Wever, Setar a presta extremadamente bon bou di circumstancia dificil, pa cual awor nan lo por haya recompensa pa esaki. ‘E situacion di cashflow tabata hopi bon” e mandatario a sigui bisa tambe di e compania di telecomunicacion. Como tal e gerencia ta haya na su lugar e tegemoet koming aki.
WELGA
Manera ta conoci, e sindicato di e trahadornan, STT a bay den accion siman pasa diabierna pasobra nan no ta haya ta husto cu nan a entrega tur e tempo e 12.6% di salario, y otronan ta haya beneficio. Por compronde cu e areglo aki, e situacion na Setar awor lo mester ta calma. E mandatario a bisa cu awor gerencia di Setar lo papia cu STT pa asina finalisa e acuerdo aki. "Nan mester conclui e combersacionan aki si" e mandatario a finalisa bisando.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Croes: Ta bay organisa un jobfair pa 45+ y penshonadonan
ORANJESTAD - Minister Glenbert Croes a anuncia cu pronto lo bay organisa un Jobfair specialmente pa pensionado y esnan di 45+. E categoria di edad aki unda tur comerciante y gremionan, hunto cu departamentonan di Labor esta DAO y DPL lo ta presente pa asisti y intermedia unda ta necesario.
Croes: Aruba mester di 9000 trahado e aña aki pa hotelnan nobo!
ORANJESTAD – Un declaracion cu minister di Labor Glenbert Croes a haci dialuna atardi via un comunicado di dje, a hala atencion den dialuna atardi relaciona cu e tema di labor den sector hotelero. Esaki pasobra e la declara den e comunicado textualmente cu ‘manera ya ta conoci, e aña aki lo tin 3000 camber di hotel adicional ta habri’. Pero e declaracion cu mas a hala atencion ta e hecho cu segun e mandatario “ Ta bay tin mester di por lo menos 9000 trahado pa e hotelnan aki por opera y duna e servicio optimal cu nan ta desea”. Esey tambe ta un citado directo di e comunicado. Y e mandatario ta cita ‘ segun indicacion inicial’. Mester bisa si mesora cu e base di e comunicado tabata pa anuncia cu ta bay tin un job fair pa pensionado y persona di 45+. Y ta den e comunicado, e informacion ariba menciona ta aparece tambe.
Figaroa: Proximo gobierno mester consisti di solamente vakministers
ORANJESTAD – E lider politico hoben di e partido politico Direccion Politiea Leonardo Figaroa , ta pensa cu den e proximo gobierno, e lidernan politico di e partidonan den coalicion no mester bira minister sino bay den Parlamento. Y mester forma e gobierno cu solamente 7 minister y tur mester ta vakminister, esta no politico. Cu esaki, Leonardo ta pensa cu mester ‘kibra tradicion’.
Follow NoticiaCla
