Warda Costa a intercepta boto cu 33 indocumentado

Warda Costa a intercepta boto cu 33 indocumentado

Posted on 11/23/2021 3:51 pm AST | Updated on 11/23/2021 4:28 pm AST

WILLEMSTAD – Dialuna anochi Warda Costa a intercepta un boto sospechoso den awa territorial di Corsou. Ta trata di un boto cu 33 indocumenta, di cual 11 ta hende muher y 22 homber. A trece nan tera na Corsou, pa sigui procesa nan. A haya algun bestia exotico tambe cu tambe a wordo confisca.  

  • Pelotero Ozzie Albies a bolbe su isla Corsou diadomingo

    Pelotero Ozzie Albies a bolbe su isla Corsou diadomingo

    WILLEMSTAD – Pelotero professional, hungado di Atlanta Bravez ‘Ozzie’ Albies a bolbe su isla natal Corsou diadomingo atardi despues di a gana Serie Mundial di Baseball Grandes Ligas algun siman prome. Esaki tabata momento suficiente pa organisa un yegada cu tapijt cora y ricibimento grandi di e pueblo, primordialmente peloteronan infantile y hubenil cu a bin wak nan heroe. Naturalmente tabata presente e prome minister di Corsou Gilmar Pik Pisas y algun miembro di su gabinete. Potretnan cortesia Tele Curacao. 

  • Corte: Ex doñonan (Ansari) mester paga Ennia un biyon florin bek

    Corte: Ex doñonan (Ansari) mester paga Ennia un biyon florin bek

    WILLEMSTAD – Corte a dicta awe na Corsou den e caso contra ex doñonan di Ennia, incluyendo sr Hushang Ansari (94) y otro ex miembronan di directiva , cu a pone cu nan mester paga mas di 1 biyon florin bek na e compania. Segun Corte, a estableci cu despues cu Ansari y socionan a tuma Ennia over na 2006, cu nan a cambia e maneho y transaccion y gasto, cu tabata hopi malo pa Ennia. Corte a tene nan como responsabel principal pa tur e daño financiero causa. Corte a tene cuenta aki cu Ennia ta un compania di seguro y cu mester sigura y proteha esnan cu tin seguro cu e compania y pa tambe sigura cu e compania por continua cu su obligacion di pago na su clientenan. Lesa e sentencia completo AKI.  

  • Princesa Beatrix ta cuminsa bishita ocupa na Corsou awe

    Princesa Beatrix ta cuminsa bishita ocupa na Corsou awe

    WILLEMSTAD – Pa prome biaha den 6 aña Princesa Beatrix (83) ta bishita Corsou atrobe cuminsando awe tardi. E tin un agenda hopi ocupa den e 3 dianan cu e ta bishita e isla.Su bishita ta den cuadro di mantencion di naturalesa y e efectonan di e pandemia. E ta sigui un les di naturalesa cu studiantenan, wak  flamingo recupera, y haya splicacion riba coral. Tambe e lo papia cu profesionalnan cu ta cuida adultonan mayor, y ta bishita un bario cu tabatine pisa door di corona. Y finalmente e lo bishita e fundacion Aliansa cu ta bringa contra violencia domestic.  

  • Princesa Beatrix ta bishita Corsou otro siman pa un fin di siman

    Princesa Beatrix ta bishita Corsou otro siman pa un fin di siman

    WILLEMSTAD – Princesa Beatrix ta bishita Corsou otro siman diahuebs te diadomingo 28 di November proximo. E bishita ta den cuadro di e cooperacion di 25 aña entre organisacionan di naturalesa dentro Dutch Caribbean Nature Alliance, e actividadnan di e organisacionan social y e impacto di e pandemia riba e isla. E anfitrion pa e bishita aki lo ta Gobernador e isla sra Lucille George-Wout.    

  • Corsou a despidi di su Tata di Tumba Anselmus ‘Boy’ Dap awe!

    Corsou a despidi di su Tata di Tumba Anselmus ‘Boy’ Dap awe!

    WILLEMSTAD – Corsou a despidi na gran forma di su Tata di Tumba Anselmus ‘Boy’ Dap diadomingo. Noticiacla tabata presente y a cubri parti di esaki. Despues di un pasada na varios lugar, e corteho funebre a instala na WTC pa algun ora unda cu e pueblo por a despidi di dje, y unda tabatin varios discurso di personanan di peso den mundo di musica, y tambe prome minister Gilmar Pisas. Despues, e corteho a mobilisa pa residencia di Boy Dap, unda a pone e caha riba un trailer, y a sigui un parade riba e ruta di Carnaval na Corsou pa termina na BrionPlein. E parade tabata acompaña pa algun otro ex rey nan di tumba. Un bunita despliege di cariño pa e emperador musical, manera hopi a yame. NOTA: Potretnan di e parade tabata di Noticiacla, mientras cu e potretnan di WTC ta cortesia di Ingmar Kock/NoticiasING

  • Na Corsou a cuminsa kita hopi tint di auto caba

    Na Corsou a cuminsa kita hopi tint di auto caba

    WILLEMSTAD. –  Ayera un biaha mas tabatin un kòntròl ku hopi polis i aspirantenan formando parti di e kòntròl. Ta un sekreto públiko ku tin hopi vehíkulo riba kaya ku nan dokumentonan no ta na òrdu, sigur pa loke ta trata seguro. Hopi hende ta sali perhudiká despues di un choke ora ku un di e partidónan no ta sigurá. Otro faltamentu ku lei ta outonan ku glasnan skur (pretu) parti dilanti. Tin hopi vehíkulo riba kaya ku glasnan pretu dilanti i asta riba nan winshil manera ta normal. Durante e kòntròl di ayera a haña un kantidat di vehíkulo ku glas pretu pegá, vehíkulonan ku no tin dokumento na òrdu, shofùrnan manehando sin faha di seguridat bistí i vários otro infrakshon mas ku ta keda kometé den tráfiko. A repartí vários prosèsverbal miéntras ku tabatin algun vehíkulo ku mester a bai kas riba kran. NOTA: E texto ta scirbi den Papiamento fonetico di Corsou. 

  • Powered by SETAR