Aruba evaluando pa aumenta medida contra biaheronan di Hulanda relaciona cu Covid19

ORANJESTAD – Gobierno di Aruba ta evaluando pa tuma medida contra biaheronan di Hulanda debi na e aumento di contagio eynan. Asina prome minister Evelyn Wever a bisa dialuna merdia durante un conferencia di prensa. E decision no a cay ainda, pero ta evaluando e situacion. Ta spera cu pa fin di siman aki, por dicidi si ta aumenta e alerta pa esnan cu ta bin di Hulanda, cu ta inclui tambe nos hendenan local. Entre otro, por rekeri cierto medidanan pa sigura cu ora cu biaheronan cu bin di Hulanda, no afecta esnan di Aruba cu e contagio.