Merca a baha e nivel di alerta di biahe pa Aruba y Corsou

WASHINGTON – E centro Mericano equivalente na DVG, esta Centers For Disease Control and Prevention (CDC) a baha e nivel di alerta pa Aruba y Corsou di Hopi halto (categoria mas halto cu ta 4), pa Halto (cu ta categoria  3). Esaki debi cu segun criteria di Merca, e nivel di contagio di Aruba y Corsou a baha suficiente cu ta hustifica un cambio. Cu e cambio aki, por spera cu mas Mericano por biaha pa Aruba y Corsou, aunke ainda no mes tanto cu ora cu e nivel ta mas abou, esta Low. Algun hotel na Aruba debi na e alerta aki, no por yena nan hotel manera cu nan kier, pasobra e cadena hotelero ta mantene standard halto segun nivel Mericano. Otro cadenanan hotelero Mericano ta mas ‘tolerante’ cu esaki.