RCA cu Grandioso Powerade 6K Run & Funwalk edicion # 4

ORANJESTAD - Diadomingo awor 8 di maart sv RCA ta organisa su di cuater edishon di e ya popular careda y caminata di rotonde . Un Bes mas e bebida campeon Powerade ta carga e spectacular fundraising event aki cu a bini ta creciendo enormemente. Salida y yegada ta na RCA Arena, lo sali pasa Kamerling Onnestraat te La Salle straat yega rotonde Piet, bai rumbo Noord, pasa rotonde Ponton, te na rotonde Tanki Flip, bai rumbo rotonde Tanki Leendert y bin bek Arena. Tickets ta obtenibel na "Welcome Back Snack" serca Abelo eynan mes pega cu RCA of atardi na Club serca Lady Irene. Manera ya ta e custumber tin fruta fresco di Fruteria Virgilio, Powerade drink, Sportbottle y e promer 500 participantenan cu registra ta ricibi un bunita y unico "Powerade 6K RCA Cap blanco" gratis. Premionan lo ta medalla pa diferente categoria di coremento mas "gift certificates" patrocina pa entre otro Setar NV. E grupo mas grandi uniforma tambe lo ricibi premio. Directiva di RCA ta invita Aruba completo pa bin cana of core y contribui na nos organisacion cu tin mas di 200 mucha ta practica e deporte di futbol. E ambiente lo start for di 3or di atardi cu live DJ's StickySoundz y MC Brah. Pa 4or di atardi lo cuminsa registra y pa 5:30 ta sera registracion y set-up e salida. Cumpra bo ticket trempan pa bo registracion bai mas rapido posibel. E famia tricolor ta gradici un y tur.