Wever: Si peligra e recuperacion di Aruba, talves no lo yega nos destino

ORANJESTAD - Si peligra e recuperacion di Aruba, talves no lo yega nos destino”. Esaki ta palabra di prome minister Evelyn Wever awe mainta, despues di a reuni cu tur e sindicatonan riba e tema di recorte financiero di 12.6%. Cu e declaracion, e mandatario ta mustra riba e possible welganan cu por ta na caminda, y e pensamento di e sindicatonan cu no ta dispuesto mas pa contribuo cu e recorte. 

ARUBA NAVEGANDO DEN LAMAN BRUTO

E mandatario a recorda tur hende cu “Aruba ta manera un barco, nabegando den lama bruto ainda, den olanan grandi. Nos union y solidarismo a yuda cu nos ta cabes riba awa ainda” e mandatario a bisa. E tempo nos dilanti, ta solamente cu union y solidarismo, nos por logra cu e barco aki ta drenta lama mas trankil y yega su destino. Si nos peligra e recuperacion di nos pais, talves nos no ta yega nos destino”, e mandatario a finalisa bisando.