Simar: Ta basta cu corta salario y ta protesta diahuebs awor masalmente!

ORANJESTAD – Docentenan miembro di sindicato SIMAR a bisa dialuna mainta cu ta basta cu e recorte di salario di 12.6% y kier esaki bek pa nan salario di December proximo. Asina presidente di e sindicato Josephine Albertus a bisa despues di e reunion di awe mainta. Segun e presidente, a haya mandato cu no ta tuma mas tiramento di santo den wowo, y kier demonstra esaki diaranson y diahuebs proximo. Diahuebs e intencion ta pa tin un tipo di paro general for di tres or di atardi, unda cu trahadornan di varios sindicato lo marcha di Juliana School direccion Bestuurskantoor pa protesta e recorte salarial aki. Diaranson, for di 5or pa 7 or lo topa tambe na Stadion Frans Figaroa pa reuni y despues planea e accion masal pa e siguiente dia.