Kyle Rittenhouse absolvi di a tira dos persona mata na Merca

KENOSHA – Un hurado Mericano a absolve e homber Kyle Rittenhouse diabierna di tur cargo contra dje, incluyendo e hecho cu e la tira dos hende mata y herida un di tres, aña pasa. E hurado a delibera durante 3 dia y mei pa yega na e veredicto. Si a hay’e culpable, e lo por a haya castigo di bida largo den prison. Segun defensa di e hoben e tempo ey, cu 17 aña, e la actua den defensa propio, mientras cu fiscal a acuse di asesinato. Ta premira cu por tin violencia a consecuencia di e sentencia, pa cual a pone 500 persona di guardia nacional den alert ana Kenosha pa actua si ta necesario.