Ponson: Posibel 15 container cu vuurwerk lo por yega laat atrobe

ORANJESTAD – Tin chens cu e aña aki atrobe e containernan di vuurwerk lo yega laat. Asina expert di explosivo pa DOW, Rubin Ponson a informa noticiacla diabierna. Segun sr Ponson, tin un peticion pa 15 container, pero no tin confirmacion cu enberdad tin 15 container cu lo yega. Debi na e pandemia, tin retraso di tur container, y esak ta inclui esunnan di vuurwerk tambe. 

CLA NA ARUBA

Na Aruba mientrastanto tur cos ta cla na WELA pa ricibi e containernan, unabez cu nan yega. A bisa tambe cu e regla ta sigui na vigor, esta cu e containernan di vuurwerk mester ta na Aruba pa 1 di December. Pero ya pa 2 aña tabata dificil pa cumpli cu esaki, debi na e pandemia. Y e autoridad tin cu deal cu esaki tambe. “ Si nan yega laat ta depende cuanto y ki dia nos lo cuminsa atende cu nan. E ora tin chens cu nan no ta haya nan klap na tempo” sr Ponson a finalisa bisando.