RIVM: Aruba a raporta cantidad mas halto di caso nobo di Covid19

ORANJESTAD/ZEIST – Aruba tin e aumento mas halto di casonan di Covid19 e siman aki compara cu e otro islanan. Rijks Instituut Volksgezondheid & Millieu (RIVM) ta raporta esaki den su rapport semanal awe. De hecho, ta Aruba y Corsou ta e dos islanan cu a raporta un aumento. Cu  94 caso positivo e siman cu a pasa, Aruba ta ‘gana e corona’. E isla cu a conoce un caida ta St Maarten segun e rapport.  

ARUBA

Te cu ayera, e cifra total di caso activo pa Aruba tabata 152, mientras cu e cantidad di morto tabata 173. Crisis Team ta calcula cu ta un 13 caso pa dia tin, cu ta un positivity rate di 8% cu ta halto ainda. Interna den hospital tin un mas na Aruba (12) compara cu Colombia (11).