Trahadonan di Setar a bay den accion awe tardi pa recorte salarial

ORANJESTAD – Trahadonan di Setar NV a bay den accion pa 2 ora pa protesta e recorte di salario di 12.6%, y no ta descarta mas accion si no haya tende loke nan kier, esta cu e recorte ta wordo cambia. Asina e presidente di e sindicato STT Jeromin Kelly a bisa Noticiacla diahuebs atardi. E accion a termina pa 4:30pm, den compania di varios lidernan sindical di otro sindicatonan, mustrando nan solidaridad den e causa. 

REACCION

Segun Kelly, e accion a duna su prome resultado, mirando cu a haya un cita cu gerencia pa diabierna mainta. Ta depende di e forma con cos lo bay, si e accion ta continua y expande diabierna mes segun Wever. 

MINISTER WEVER

E mandatario responsabel pa Setar tabata den un conferencia di prensa algun ora prome ainda, bisando cu termina e recorte di salario no ta un opcion realistico aworaki, y cu e mester di un siman di tempo pa wak kico por haci, entre otro pa cu e otro companianan y wak con nan situacion ta. Ta mustra cu e sindicato STT no a duna oido na e peticion pa warda, y a opta pa awe mes bay den un accion di 2 ora.