A Night at The Museum Comes to Madame Tussauds

ORANJESTAD – Mayan (3 di maart) lo tin un exposicion interesante cu lo tuma lugar na Ritz Carlton cu lo ta un evento educativo presenta pa e alumnonan di dos zesde klas di Mon Plaisir Basis School. Bou guia di juffrouw Murielle y Juffrouw Monique un cantidad grandi di alumno ta preparando nan mes pa asina presenta nan personage escogi den un ambiente festivo, cu lo parse di ta un combinacion di e pelicula A Night At The Museum pobla pa personahenan famoso di historia y actualidad a la Madame Tussauds.

E bunita proyecto aki a cuminza na momento cu juffrouw Murielle a cumpra 5 buki di Who Was… and Who Is… den un biaha den exterior y a dicidi di hasi un school project cu esaki. E interes y resultado di e proyecto aki tabata asina positivo cu awe 6 aña despues e exposicion aki a crece te cu a haya necesidad di presente den un espacio mas grandi. Actualmente tin 52 alumno di dos zesde klas di Mon Plaisir Basis School ta prepara pa presenta nan personahe escogi di e forma mas atractivo y informativo.