Sindicatonan lo haci yamada na pueblo pa actua contra recorte salarial si mester

ORANJESTAD – Un total di 15 sindicato a alerta comunidad pa nan ta prepara pa ora cu e yamada bin na pueblo, pa subi caya, pa nan ta cla. Esaki relaciona cu e asunto di recorte di 12.6% den salario di trahadonan publico y semi publico. E sindicatonan a bisa cu nan no ta dispuesto pa entrega mas sin cu tin un claridad di cuanto a wordo entrega. Nan lo no pone un ultimatum, pero a bisa si cu ‘no ta bay sinta acepta’ e situacion sin mas, pero lo actua dentro di poco. Y mientras cu nan no a haci mencion specifico di kico nan kier men, por compronde cu ta trata di accionan di varios sindicato hunto. Gobierno a menasa caba cu si ta necesario, lo ancra e recorte den un ley, pa asina no tin discussion mas si ta cumpli of no. E declaracion aki e sindicatonan no a gusta mucho tampoco. NOTA: Potret ta di archivo di noticiacla riba un reunion recien di e grupo sindical.